प्रमुख प्रशासकीय अधिकृतलाई आठ दिनमै लखेटेर फेरि निमित्तलाई सर्वसर्वा बनाउने खेलो चलिरहेको छ स्थानीय तहतिर । यस्तो जात्रा देख्न पाइन्छ बैतडीको डिलासैनी गाउँपालिकामा ।
त्यहाँ संघीय मामिला तथा सामान्य प्रशासन मन्त्रालयले खटाएको प्रमुख प्रशासकीय अधिकृत रंजय पटेललाई आठ दिनमै लखेटेर निमित्तको भरमा पालिका चलाउन खोजिएको हो ।
पालिका स्रोतका अनुसार,उक्त पालिका विगत लामो समयदेखि निमित्तकै भरमा चलिरहेको छ । निमित्त हाकिमको जिम्मेवारीमा थिए गणेशसिंह बोहरा । बोहरा विगत २ बर्षदेखि निमित्तको भूमिका छन् । उनैलाई सर्वसर्वा बनाएर काम गराउने योजना अनुसार सामान्य प्रशासनले खटाएका रंजय पटेललाई आठ दिनमै लखेटिएको हो ।

Advertisement 1

पालिका ०७७ सालदेखि प्रमुख प्रशासकीय अधिकृत छैन । सामान्य प्रशासन मन्त्रालयले प्रमुख प्रशासकीय अधिकृतको रुपमा रंजय पटेल खटाउने तयारी गरेपछि गत भदौं १२ मैं उपाध्यक्ष भगीरथ बोहराले पत्र लेखेरै निमित्त हामिकबाट काम काज चलिरहेको कारण प्रमुख प्रशासकीय अधिकृत नपठाइदिन पत्र पठाएको थियो ।

यस गाउँपालिकामा प्रमुख प्रशासकीय अधिकृत खटाइएको हुँदा यस गाउँपालिकामा जिल्लाभन्दा बाहिरको व्यक्तिबाट कामकाज गराउन सहज नहुने र भनेको समयमा सेवा सुचारु गराउन असहज हुने र बाहिर जिल्लाको प्रशासकीय अधिकृत बढीजसो काज बिदामा बस्ने भएकाले हालसम्म कामकाजको जिम्मेवारीमा रहँदै आएका निमित्त प्रमुख प्रशासकीय अधिकृत १२ महिना नै जनताले सेवा सुचारु सहजै रुपले पाउने भएकाले तहाँ खटाई आउने प्रमुख प्रशासकीय नखटाई दिन हुन अनुरोध गरिन्छ।’
काउण्टरमा पालिकाको अध्यक्ष सन्तोष प्रसाद जोशीले असोज ५ मा अर्काे पत्र लेख्दै संविधानको पूर्णत र अक्षरश पालना गर्नेमा पालिका प्रतिवद्ध रहेको जनाउँदै संघबाट खटाइएको राष्ट्रसेवक कर्मचारीलाई काम गर्ने वातावरण बनाउन दृढ रहेको प्रतिवद्धता जनाएका छन् ।

Advertisement 2

यस पछि सामान्यले खटाएको थियो रंजय पटेललाई । तर पटेल आठ दिनमै त्यहाँबाट सरुवा भएर सर्लाहीतिर पुगेका छन् । स्रोतका अनुसार पालिकामा कार्यपालिका सदस्यहरूबीच आन्तरिक विवाद हुँदा हाकिमले बस्न नचाहेर सरुवा मागेको बताइएको छ ।

पालिका ७३ देखि नै लामो समय निमित्तकै भरमा चलिरहेको छ ।