गृह मन्त्रालयले १० उपसचिवको सरुवा गरेको छ । मन्त्रालय शुक्रबार मातहत १० अधिकारीहरुको सरुवा गरेको हो । मन्त्रालयले प्रमुख जिल्ला अधिकारी, उपसचिव र सहायक प्रमुख जिल्ला अधिकारीहरूको सरुवा गरिएको जनाएको छ।

Advertisement 1

गृहले ओखलढुंगा, डडेल्धुरा, मुस्ताङ र बाजुरामो नयाँ सिडिओ पठाइएको छ । गृहले उपलव्ध गराएको सरुवाको सूची अनुसार,
इलाका प्रशासन कार्यालय कटारीमा कार्यरत उपसचिव चेतराज बराललाई ओखलढुंगाको सिडिओ बनाइएको छ । धनकुटाका सहायक सिडिओ अञ्जन न्यौपाने पदोन्नती भएर जिल्ला प्रशासन कार्यालय डडेल्धुराको प्रमुख भएका छन् ।

त्यस्तै, उपसचिव जनकराज पन्तलाई मुस्ताङको सिडिओको जिम्मेवारी दिइएको छ । यसअघि उनी इलाका प्रशासन कार्यालय, सिमरामा उपसचिव पदमा कार्यरत थिए । पर्साका सहायक सिडिओ भीमकान्त पौडेल बढुवा भएर बाजुराको सिडिओ भएका छन् ।

Advertisement 2

त्यसैगरी ओखलढुंगाका सिडिओ प्रदर्शन कुमारीलाई सहायक प्रमुख जिल्ला अधिकारी बनाएर भोजपुर पठाइएको छ । डडेल्धुराका सिडिओ विश्वराज न्यौपाने सहायक सिडिओको जिम्मा लिएर पाँचथर पुगेका छन् । दुवै जनाको अहिले गृह मन्त्रालयमा काज तोकिएको छ ।

त्यस्तै, मन्त्रालयमा कार्यरत उपसचिव ज्ञाननाथ ढकाललाई इलाका प्रशासन कार्यालय फर्पिङ्गमा पदस्थापन गरिएको छ । इलाका प्रशासन कार्यालय चन्द्रनिगाहापुरका उपसचिव झरेन्द्र प्रसाद चापागाई मकवानपुरको सहायक सिडिओ बनेका छन् । उनको ठाउँमा नेत्रप्रसाद शर्मालाई लगिएको छ । शर्मा यसअघि मकवानपुरमा सहायक सिडिओ थिए ।

मुस्ताङका प्रमुख जिल्ला अधिकारी अनुप केसी सहायक सिडिओ बनेर रौतहट सरुवा भएका छन् ।