४४ जना स्वास्थ्यका कर्मचारीले खटाएको ठाउँमा जान अस्वीकार गरेका छन्। पोखरा महानगर पालिकाको स्वास्थ्य महाशाखा अन्तर्गत कार्यरत विभिन्न पदका स्वास्थ्य प्राविधिकमध्ये बाहिर जिल्ला र पालिकामा दरबन्दी रही कामकाजमा आएका उनीहरुको काज फिर्ता भएको हो ।

Advertisement 1

खटाइएको ठाउँमा नजाने र पावर पहुँचकै भरमा काजमा बसिरहने मन्त्रालयको रोग नै भएको स्वास्थ्यमन्त्री मोहनबहादुर बस्नेतको बुझाइ छ । समायोजनका क्रममा स्थानीय तहहरूले मनोमानी निर्णय गर्दा चाहिने ठाउँमा कर्मचारी नभएको र नचाहिने ठाउँमा खचाखच भएको उनी बताउँछन् ।

काज फिर्ता भएका कर्मचारी आफू नियुक्त भएको स्वास्थ्य कार्यालयमा जान आनाकानी गर्दा सेवाग्राही मारमा परेका छन् । स्वास्थ्य तथा जनसङ्ख्या मन्त्रालयले गत असार १७ गते मन्त्रीस्तरीय निर्णय गरी दरबन्दी रहेको स्थानमै फिर्ता हुन निर्देशन जारी गरेको थियो । मन्त्रालयको परिपत्र कार्यान्वयन गर्न महानगरको कार्यपालिका बैठकले निर्णय गराई कामकाजका कर्मचारीलाई साउन १६ देखि स्वास्थ्य महाशाखा र अन्तर्गतमा हाजिर नगराउन स्वास्थ्य महाशाखालाई परिपत्र गरेको थियो ।