तस्करीको सुनमा आगो लगाइयो
राजस्व अनुसन्धान विभागले बरामद गरेको सुन गाल्न थालिएको छ।
Advertisement 1
तस्कर समूहले राजस्व छलेर ‘ब्रेक सु’ मा लुकाएर ल्याएको सुन नेपाल राष्ट्र बैंकको टक्सार महाशाखाले गाल्न सुरु गरेको हो । ब्रेक सुबाट सुन छुट्याएर गाल्ने काम सुरु भएको महाशाखाले जनाएको छ । सुन गाल्ने काम सकिएपछि त्यसको गुणस्तर र आर्थिक परीक्षणको काम थालिने महाशाखाका प्रमुख थानेश्वर आचार्यले जानकारी दिए । त्यसका लागि केही दिन लाग्नेछ । त्यसपछि मात्रै सुन कति छ र कुन गुणस्तरको हो भनेर पत्ता लाग्नेछ ।
२८ दिन अघि त्रिभुवन विमानस्थलबाट भन्सार छलेर बाहिरिएको सुन आज बिहानबाट गाल्न सुरु गरिएको थियो ।नेपाल राष्ट्र बैंकको टक्सार कार्यालयमा नेपाल प्रहरीको केन्द्रीय अनुसन्धान ब्युरो, राजश्व अनुसन्धा विभाग, नेपाल राष्ट्र बैंक र टक्सार कार्यालयका प्रतिनिधिहरुको रोहबरमा मंगलबार बिहानबाट सुन गालेर सकिएको हो ।
Advertisement 2
