नेपाल बार एसोसिएसनका अध्यक्ष गोपालकृष्ण घिमिरेले अदालतमा घुस खाने कर्मचारीलाई अब कसैले बचाउन नसक्ने बताएका छन् । ललितपुर जिल्ला अदालत परिसरमा सोमबार आयोजित विरोध सभालाई सम्बोधन गर्दै उनले यस्तो बताएका हन् ।

Advertisement 1

‘देशभर रहेका न्यायालयका इमानदार न्यायाधीश र कर्मचारीहरू हाम्रो अभियानबाट डराउनु पर्दैन। आत्तिनु पर्दैन। तपाई हाम्रो साथी हो’, ललितपुर जिल्ला अदालतबाहिर आयोजित विरोध कार्यक्रममा बार अध्यक्ष घिमिरेले भने, ‘घुस खोरविरुद्धको अभियान हो, घुस नखाने र भ्रष्ट्राचार नगर्नेहरू आत्तिनु पर्दैन, तपाईँहरू यो अभियानको साथी हो। इमानदार र निष्पक्ष न्याय गर्नेहरूको साथी हो। उहाँहरूको पक्षमा नेपाल बार छ।’

बार अध्यक्ष घिमिरेले भष्ट्राचारमा लिप्तहरु बार देख्नेबित्तिकै डराउनुपर्ने अवस्था बन्ने समेत बताए । उनले हरेक बार इकाइमा अब भिजेलेन्स ग्रुप खडा गरिने समेत बर्ता । उनले अब कुनैपनि नाममा कर्मचारीलाई पैसा नदिन र पैसा मागे खबर गर्न कानुन व्यवसायीलाई आग्रह गरेका छन् ।