छलफल गर्न कुलमानलाई मन्त्रालय बोलाइयो

काठमाडौं। ऊर्जा जलस्रोत तथा सिंचाइँ मन्त्री दीपक खड्काले नेपाल विद्युत् प्राधिकरणका प्रबन्ध निर्देशक कुलमान घिसिङलाई मन्त्रालयमा बोलाएका छन्। बुधबार दिउँसो छलफलका लागि मन्त्रालयमा बोलाइएको हो। मन्त्री खड्काले ऊर्जा व्यवसायीलाई समेत राखेर छलफल गर्ने बताइएको छ।

Advertisement 1

प्राधिकरणका प्रबन्ध नर्देशक घिसिङ विवादमा परेका छन्। उनले २ अर्ब ३९ करोड रुपैयाँको ठेक्का आफ्नै भाई एजेन्ट रहेको भारतीय कम्पनी रुद्रानीलाई ठेक्का दिन सार्वजनिक ऐनका सबै प्रावधान कुल्चिएपछि उनी विवादमा परेका हुन्।

साथै उद्योगी व्यवसायीबाट डेडिकेटेड फिडर तथा ट्रंकलाइनको विद्युत् महसुल लिने उनको अडान पनि विवादमा परेको छ। बुधबार दिउँसको छलफलमा विद्युत् महसुलकै विषयमा छलफल हुने बताइएको छ।