रुपन्देही । केही दिन अगाडि भैरहवाको पौवा होटलमा विवाह भोजमा प्रयोग गरिएको अबैध मदिराको बारेमा आन्तरिक राजश्व कार्यालय भैरहवाले छानबिन सुरु गरेको छ । उक्त भोजमा भारतबाट अवैध रुपमा आयात गरिएको मदिराको प्रयोग गरिएको सूचना प्राप्त भएपछि छानबिन सुरु गरिएको आन्तरिक राजश्व कार्यालय भैरहवाका प्रमुख शान्तिराम निरौलाले बताए ।

Advertisement 1

उनका अनुसार भैरहवास्थित होटेल पौवामा गत शुक्रबार भएको एउटा विवाहको भोजमा भारतबाट अवैध रुपमा आयात गरिएको मदिराको प्रयोग भएको पाइएको हो । गत आइतबार उक्त होटेलबाट आन्तरिक राजश्व कार्यालयको टोलीले भारतबाट अवैध रुपमा पैठारी गरी प्रयोग गरिएको मदिराको खाली बोतल बरामद समेत गरिसकेको छ । उक्त होटलमा भारत बाट आयात भएको रेड लेबल ह्विस्कीको ५८ र एब्सुल्युट भोड्काको १० वटा खाली बोतल फेला परेको हो ।
सूचनाको आधारमा हामीले यस विषयमा छानबिन सुरु गरेका छौं,’ निरौलाले भने, प्रारम्भिक तहमा होटलका व्यवस्थापकलाई बोलाएर बयान लिने काम भइरहेको छ ।’श्रोतका अनुसार अग्नि सिमेन्टका संचालक तथा अग्नि ग्रुपका निर्देशक राजकुमार पोखरेलले उक्त दिन आफ्नो छोराको विवाह पार्टीमा ती मदिराको प्रयोग गरेका थिए ।

होटल पौवाका ब्राण्ड म्यानेजर विष्णु भण्डारीले भने उक्त पार्टीका लागि प्रयोग गरिने मदिरा होटेलको तर्फबाट नभइ उपलब्ध गराइएको मदिरा होटेलको तर्फबाट सर्भिस (सर्व) मात्र गराउने सर्त भएकाले मदिराको बारेमा होटेललाई जानकारी नभएको बताए ।अग्नि ग्रुपका निर्देशक राजकुमार पोखरेलले भने उक्त मदिरा आफूले प्रयोग नगरेको दाबी गरेका छन् ।

Advertisement 2

मैले उक्त दिन प्रयोग गरेको मदिरा भाटभटेनी सुपर मार्केट र स्थानीय पसलबाट खरिद गरेको बिल छ,’ पोखरेलले भने । विदेशबाट आउँदा एक जना यात्रुले एक पटकमा १ लिटरभन्दा धेरै मदिरा ल्याउन पाइँदैन । व्यवसायिक रुपले मदिरा आयातका लागि अन्तशूल्क कार्यालयबाट दर्ता भइ आयातको अनुमति लिनुपर्ने कानुनी प्रावधान छ । यता भैरहवा र बुटवलका अधिकाम्स खाधान्न र कपडा पसलमा अनुसन्धान गर्नेहो भने अबैध ढंग बाट आयात भएका कारण भन्सार तिरेको सक्कली कागजात पाउन मुस्किल पर्छ । तर नेपालिले भन्सार तिरेकै मुल्यमा किन्न बाध्य छन । छानबिनका लागी नियामक निकायले जुन सक्रियता देखाउन पर्नेहो त्यसरी नलागेको स्थानियको गुनासो छ ।