दुई करोड रकम हिनामिना, हुलाक कार्यालय बाराका प्रमुख पक्राउ
जिल्ला हुलाक कार्यालय बाराका प्रमुख पक्राउ परेका छन्। बचतकर्ताले जम्मा गरेको रकम लिएर फरार रहेका हुलाक कार्यालय बाराका प्रमुख ५० बर्षीय बलिराम प्रसाद कुर्मी पक्राउ परेका हुन्।
Advertisement 1
उनले जिल्ला हुलाक कार्यालय मातहत नै रहेको हुलाक बचत बैंक बारामा बचतकर्ताले जम्मा गरेको एक करोड ९५ लाख ३४ हजार ९६६ रुपैयाँ लिएर सम्पर्क बिहीन भएका थिए। पर्सा, बहुदारमाई गाउँपालिका–२ बस्ने कुर्मीले देवताल गाउँपालिका–४ टोल पिप्राढी निवासी ५५ वर्षीय प्रदीपकुमार चौधरीको खाताबाट ३५ लाख ५० हजार पाँच सय २६ र उनकी पत्नीको खाताबाट रु २१ लख ५३ हजार आठ सय ८५ गरी रु ५७ लाख चार हजार चार सय ११ हिनामिना गरेको उनीहरुको आरोप छ ।
बचतकर्ताले दिएको उजुरीका आधारमा कुर्मीलाई नियन्त्रणमा लिएको प्रहरीले जनाएको छ । पक्राउ परेका कुर्मीलाई जिल्ला अदालतबाट म्याद थप गरी अनुसन्धान थालिएको बाराका प्रहरी प्रबक्ता डिएसपी पुरुषोतम प्रसाद पाण्डेले जानकारी दिए।बचतकर्तालाई आज दिन्छु भोलि दिन्छु भन्दै रकम हिनामिना गरि फरार भई सम्पर्कबिहीन भएका कुर्मीलाई पक्राउ गरिएको बाराका प्रहरी प्रबक्ता पाण्डेले जानकारी दिए।
Advertisement 2
