आफ्ना सचिवालयमा सबै यादवहरुलाई भरेर उपराष्ट्रपति रामसशाय प्रसाद यादव आलोचित भइरहेकै समयमा मधेश प्रदेशको एउटा स्थानीय तहले लिएको परीक्षामा यादवहरुमात्रै उत्र्तीण भएको बिषयले अहिले सामाजिक सञ्जाल गर्माएको छ ।

Advertisement 1

मधेश प्रदेशको सिरहाको नवराजपुर गाउँपालिकामा समावेशिताको अब्बल नमुना देखिएको भन्दै अहिले सामाजिक सञ्जालमा चर्काे आलोचना भइरहेको छ ।
सो पालिकाले लिएको आधारभूत तहको शिक्षक परीक्षाको नतिजा अनुसार ११ जना नै यादव थरका उम्मेदवार लिखित परीक्षामा उत्र्तीण भएपछि समावेशिताको अब्बल नमुना मधेश प्रदेशको उक्त स्थानीय तहले देखाएको भन्दै चर्चा र आलोचना शुरु भएको हो ।

यादवहरुको बाहुल्यता भएको सो क्षेत्रको उक्त नगरपालिकाले आधारभूत तहका लागि १७ जना विषयगत शिक्षक मागेको थियो ।पालिकाका अनुसार आवेदन दिने ६४ जनामध्ये ५५ जनाले प्रवेश पत्र लिएको र ५३ जनाले परीक्षा दिएको थिए । तीमध्ये ४० जना यादव रहेको उनको भनाइ छ । त्यस्तै, पहिलो चरणको परीक्षामा उत्तीर्ण भएका १५ मध्ये १४ जना यादव र एक जना ठाकुर थिए । आवेदन दिनेमध्ये ९५ प्रतिशत यादवहरु नै उमेद्धार थिए । छनौट समितिले लिखित परीक्षाको नतिजा सार्वजनिक गर्दा उत्र्तीण भएका ११ जनामध्ये शतप्रतिशत यादवमात्रै उत्तीर्ण भए पछि यो प्रश्न जोडतोडका साथ सामाजिक सञ्जालमा उठाइएको छ ।

Advertisement 2

सार्वजनिक भएको नतिजा अनुसार उत्तीर्ण हुनेमा मनोजकुमार यादव,प्रदीपकुमार यादव, सरोजकुमार यादव, रञ्जनाकुमारी यादव, वरुणकुमार यादव,मञ्जुकुमारी यादव, बिनिताकुमारी यादव, रञ्जुकुमारी यादव, सन्तोषकुमार यादव, सुनिता यादव र उपेन्द्रप्रसाद यादव छन् ।

यस्को संयोजक देवनाथ यादव रहेका छन् । यादव संयोजक भएका कारण यादवहरुमात्रै उत्र्तीण भएको बिषयले अहिले सामाजिक सञ्जाल तताइरहेको छ तर पालिकाले भने यादवहरुको बाहुल्यता भएको क्षेत्र भएकाले पनि त्यस्तो आएको जनाइएको छ ।मधेशभित्रैका दलित र पिछडिएका वर्गलाई आरक्षण दिनुपर्नेतर्फ उनीहरु मौन देखिएका छन् ।