राजधानी काठमाडौंमा हजारौं,होटल र रेष्टुँराहरु छन् तिनीहरुले अहिले काठमाडौंमा डेढ सयभन्दा कममा सादा खाना कतै पाइँदैन् तर राजधानी काठमाडौंको अनामनगरमा एउटा यस्तो रेष्टुरा खुलेको छ जहाँ अन्य रेष्टुराको तुलनामा आधा कम शुल्क तिरेरै सफा र ताजा खाना खान पाइन्छ । मात्र ६५ रुपैंयामा तिरेर पेटभरी खाना खान पाइने रेष्टुँरा खुलेको छ । हिजो माघ १७ गतेबाट यो रेष्टुरा सञ्चालनमा आएको हो । हाम्रो खाना घर नाम दिइएको यो रेष्टुरा अनामनगरको बिगमार्ट नजिकै छ । हाम्रो टीम नेपालका अध्यक्ष विमल पन्तले ६५ रुपैयाँमा एक छाक सादा खाना खुवाउने गरी रेस्टुरेन्ट खोलिएको बताए ।

Advertisement 1

कोरोना कहर र लकडाउनपछि जन्मिएको संस्था हो हाम्रो टिम नेपाल । विशुद्ध सामाजिक सेवा गर्ने संस्था । कोरोना कहरपछि रोजगारी खोसिएको र दुई छाक खान नपाएकाहरुलाई राजधानीका खुलामञ्च लगायतका स्थानमा तातो र ताजा खाना खुवायो ।
९ जनाको कार्य समिति ११ सय सदस्य आवद्ध रहेको संस्थामा पूर्वदेदिख पश्चिमसम्मका मानिसहरु जोडिएका छन् ।

यसअघि यही समुहले कपडा बैंक पनि सुरु गरेको थियो ।