रसुवा जिल्लामा संघिय प्रतिनिधि सभा सदस्य प्रत्यक्ष तर्फ नेपाल कम्युनिष्ट पार्टी ( एमाले) को उम्मेदवारको नाम टुङ्गाउन सकेको छैन् । जिल्लामा संविधान सभाका सदस्य जनार्दन ढकाल निर्वाचनमा सर्वसम्मत एकल उम्मेद्धार भए पनि यस पटक खासै चासो नदिएको देखिन्छ ।

Advertisement 1

०७० सालको निर्वाचनमा लोकप्रिय मत प्राप्त गरेर रसुवामा उल्लेखनिय काम गरेका थिए ढकालले । २०७० साल मंसिर ४ गते रसुवाली जनताले संघिय लोकतान्त्रिक गणतन्त्र नेपालको संविधान निर्माण गर्न दिएको जनमतको कदर गर्दै संविधान निर्माणमा रचनात्मक भुमिका निर्वाह गरी संविधान निर्माण गर्न र सोही संविधानको जगमा टेकी हालको निर्वाचन सम्पन्न गरी संविधानको रक्षा, विकास र प्रयोग गर्दै देशमा देखिएको राजनितिक अस्थिरताको अन्त्य गर्न खेलेको भुमिका, २०७२ साल बैशाख १२ गतेको विनासकारी महाभुकम्पमा परि मृतुवरण गर्नु भएका आफ्ना सानुबुवा, सानुममी लगायत पारिवारीक आफन्त सम्मको पर्वाह नगरी पहिलो दिन देखिनै लाङटाङ लगायत १८ वटै गाविसका जनताको खोज, उद्धार तथा राहत वितरण कार्यमा अहोरात्र रुपमा खटी उल्लेखनिय भुमिका निर्वाह गर्नु, देश भारतिय नाकावन्दी तथा तराइ मधेश आन्दोलनबाट आक्रान्त भई खाधान्न लगायत पेट्रोलियम पर्दाथबाट हाहाकार भइ रहेको वेला रसुवागढी नाका पनि बैकल्पीक मार्गको रुपमा छ भनी सो अवस्थामा विकास समितिको सभापति सहित, अर्थ मन्त्री, उपप्रधान एवं भौतिक पूर्वाधार तथा यातायात मन्त्री समेतको टिमलाई फिल्ड अवलोकन गराई चिनबाट पेट्रोलियम पदार्र्थ लगायत अन्य सामग्री ल्याउन भुमिका निर्वाह गर्नु, बैकल्पीक नाकाको रुपमा रसुवागढी नाका लाई दोश्रो ठूलो अन्तराष्ट्रिय नाकाको रुपमा विकास गरी गल्छी–बेत्रावती–मैलुङ्ग–स्याफ्रुवेशी–रसुवागढी सडकलाई राष्ट्रिय राजमार्गको रुपमा निर्माण गर्न र रसुवागढीमा सुविधा सम्पन्न एकिकृत भन्सार कार्यालय निर्माण गर्न झण्डै आठ अर्ब वजेटको ब्यवस्था गर्न उल्लेखनिय भुमिका निर्वाह गर्नु, रसुवाको नौकुण्ड गाउँ पालिकाको यार्सा जिल्लाकै सवै भन्दा विकट मानिन्छ त्यस स्थानमा विजय पश्चात पहिलो प्रयासमै रु १५ करोडको वजेट सुनिश्चित गरी हालको वडा नं. २ यार्सा–घाङमर सम्म बाटो खनी गाडी पुर्याउनु, नौकुण्ड गाउ पालिकाकै पारच्याङ्ग पाटिखर्कमा यातायात पुर्याउनको निम्त ३ करोड २० लाख वजेट ब्यवस्था गरी आज गाडी पुर्याउने काम गर्नु, कालिकास्थान घुम्ति देखि जिवजिवे–किमारजुङ्ग–लामाचेत–चिति–कोलडाँडा बाटोको दयनिय अवस्थालाई मध्य नजर गरी पिच गर्न २१ करोड ५२ लाख वजेट ब्यवस्था गर्नु, ठूलो स्याफ्रुमा रु एक करोडको बजेट व्यवस्था गरि बाटो खोली यातायात पुर्याईएको र सोही सडकलाई स्तरोउन्नती गर्न ९ करोड ६२ लाख वजेट ब्यवस्थापन गर्नु, २०७० साल भन्दा अगाडी करिव ६ महिना चल्ने र ६ महिना वन्द हुने राम्चे–मूलखर्क सडकलाई रु १० करोडको वजेट ब्यवस्थापन गरी बाटो वन्द हुने अवस्थाको अन्य गर्नु, सदियौ देखिको जडको रुपमा रहेको हाकु गुठी तथा अन्य स्थानको विर्ता जग्गाको समस्या समाधान गरी लालपुर्जा वितरण गर्ने, यातायात पुग्न नसकेका स्थानहरुमा झण्डै १०० कि।मि। को हाराहारीमा बाटो निर्माणगरिएको जस्तै बृद्धिम, खाम्जिम,पाजुङ, ग्रे, नेसिङ्ग, आरुखर्क, ल्हाङबु, घोर्मु, वेताङ, वच्चा, दोक्लाङ, घाङमर, वाँसभन्याङ्ग,ज्याङलाङ्ग, कटुन्जे, धारापानी,ढकालडाडा, मनिगाउ, डाडागाउ,करुममर्याङ्ग,उत्तरगया, निलकण्ड मा।वि।तारुके, वेलचौर लगायत अन्य स्थानमा बाटो पु¥यउनु, कालिका स्थानमा सभाहल निर्माण गर्न – २३ करोड विनियोजन गर्नु, धुन्चे सभाहल निर्माण गन डिपिआर सम्पन्न भए पश्चात कार्यकाल समाप्त भै निर्माण कार्य अधुरै रहेको, डाडा गाउ – ठूलोगाउ १० कि.मि सडकपिच गर्न – २८ करोड, लाङटाङ पर्यटकिय पदमार्ग निर्माण गर्न – ५ करोड, कोरोनाकको कलहको समयमा खाद्यन्न सामानहरुको वितरण यी लगायत अरु थुपै कामहरु भएकाले आम रसुवाली जनताहरु ढकालनै पुनरागमन हुनुपर्ने पक्षमा रहेको देखिन्छ ।

देश भरी नै गठबन्धन रहे पनि रसुवामा नरहने देखिएको छ । माओवादी तथा नेपाल कम्युनिष्ट पार्टी एकिकृत समाजवादीका नेताहरुका अनुसार स्थानिय तहमा पनि गठबन्धन नगरेको र अहिले संघिय र प्रदेश चुनावमा गठबन्धन नगर्ने बताएका छन् । अहिले रसुवामा सवै दलहरुले उम्मेदवारको नाम सिफारिस पनि गरेका छन् । २०७९ को स्थानीय तह निर्वाचनमा पालिका प्रमुखले पाएको मत परिणाम हेर्दा नेकपा एमाले १२,२८७ मत प्राप्त गरेको छ भने नेपाली कांग्रेसले १०,०८६ मत प्राप्त गरेको छ त्यस्तै नेकपा माओवादी केन्द्रले ३२२७ मत प्राप्त गरेको छ । स्थानीय तहको मत हेर्दा माओवादी केन्द्रले आफ्नो मत दिँदा कांग्रेस सुरक्षित हुन सक्छ । तर, पछिल्ला दिनमा कांग्रेस, माओवादी केन्द्र र जसपाका जिल्लास्तरीय नेताको पार्टी प्रवेशले एमालेलाई राहत दिने देखिन्छ । अघिल्लो स्थानिय तहको निर्वाचनमा पनि नेकपा एमाले अग्र स्थानमा थियो तर, संघिय र प्रदेश चुनावमा आफ्नै पार्टीबाट भएको अन्तरघातको कारण र बिपक्षीको चर्को आर्थिक चलखेलको कारण लोकप्रिय हुँदा हुँदै पनि हार व्यहोर्नु पर्यो । स्रोतका अनुसार अन्तरघात फेरी दोहोरिने सक्ने साथै  बिपक्षीको चर्को आर्थिक चलखेल हुन सक्ने सूचनाको डरको कारण यस पटक ढकालको पुनरागमन नहुने हो कि भन्नेमा आशंका रहेका देखिन्छ ।

Advertisement 2

आम रसुवाली जनताहरु ढकालनै पुनरागमन हुनुपर्ने पक्षमा रहेको देखिन्छ ।