ग्राउण्ड जीरो :- चितवनको निर्वाचनलाई नजिकबाट नियाल्दा जे देखियो
अञ्जनकुमार
Advertisement 1
दशदिन अघि मात्रै पाँच दलिय गठबन्धनको चितवनको कुरिनटारको होटेल सिदार्थमा गरेको कार्यक्रममा उम्मेदवार उमेश श्रेष्ठ र घनश्याम दाहालसग काङ्ग्रेसका युवाहरुले हाताहाती नगदकै माग राखेपछि दाहालले आफुले आजसम्म कमाइको लागि दुई नम्बरी धन्दा नगरेको र बाढ्नका लागि पैसा नथुपारेको भन्दै युवाहरुको अस्वभाविक मागलाई अस्वीकार गरेपछि बिच्केका चितवनका केही काङ्ग्रेसी युवाहरु रबि लामिछानेको घण्टी हल्लाउन पुगेका थिए ।
आफ्ना युवाहरु यसरी बिच्किएपछि काङ्रेसी नेताहरु रबि लामिछानेको पार्टी प्रति कडा बन्दै थिए जसको परिणाम थियोे गत २७ गतेको इच्छाकामना गाउँपालिका ४ चितवन लेवाटारमा स्वतन्त्र पार्टीको प्रचारका क्रममा भएको आक्रमण ।
Advertisement 2
थुप्रै ठाँउमा प्रचार प्रसारको क्रममा एमाले र स्वतन्त्र पार्टीका कार्यकर्ताहरु सँगसगै जस्तो देखिन्थे ।
उम्मेदवारहरु आफैं अंकमाल गरेको पनि भेटिन्थे उनीहरुले एक अर्कासग भोटपनि मागेको देखिन्थ्यो तर उनीहरुमा कहिल्यै दुर्वाच्य समेत प्रयोग भएको देखिएन । जहाँकी स्वतन्त्र पार्टीका रबि लामिछानेले आफ्नो प्रतिस्पर्धी एमालेलाई ठानेका थिए ।
Advertisement 3
२७ गते इच्छाकामनाको घरदैलो गर्ने क्रममा गठबन्धनका उम्मेदवार उमेश श्रेष्ठ र घनश्याम दाहाल काँङ्ग्रेस चितवनका पुर्ब सभापति जितनारायण श्रेष्ठ सहितको टोलीसितले कुरिनटारमा एमालेका कार्यकर्तासँग पनि लफडा झिक्न खोज्दै थिए ।
झन्डै चारसयको हाराहारीमा रहेका नेपाली काँङ्ग्रेस गठबन्धनका टोली मुग्लिन पुग्दा काङ्ग्रेसकै पुराना कार्यकर्ता गोपाल गुरुङले रबि लामिछानेको समर्थनमा घण्टी हल्लाएपछि जितनारायणसँग भनाभन त्यही चलेको थियो । मुग्लिनबाट कुरिनटार तर्फ लागेको रबि लामिछानेको टोली मत माग्दै इच्छाकामाना ४ लेवटार स्थित ब्याम्बो कटेज नजिकै पुग्दा वाइसीएल इच्छाकामनाका इन्चार्ज पवन गुरुङले काङ्ग्रेसबाट निर्वाचित तत्कालीन दारेचोक गाबिसका अध्यक्ष बिष्णु लामाका भाइ कान्छा लामाले चलाएको बा १४ च ७६८४ नम्बरको रातो गाडी तोडफोड गर्दै थिए ।
तोडफोड भएको गाडीदेखि दुई गाडी फरकमा थिए रबि । रबि कै टोलिले जिस्काएपछि घटना भएको गठबन्धनले जनाएको छ । रबि तोडफोड भएको गाडीको सन्मुखै थिए जितनारायणको टोली ।
आक्रमणको बेला प्रहरी साथ मै भएर पनि मुकदर्शक बनेको रबिका समर्थक प्रकाश सिलवालको आरोप थियोे । झडपमा रबिका दुई भाइ कार्यकर्ता पनि घाइतेपनि भए । यता यो आक्रमणले गठबन्धनमा केही धक्का लाग्ने र रबि पार्टीको २/४ मत भए पनि थपिने अनुमान गरिएको छ ।
