चैत ७ मा बसेको बैठकमा सार्वजनिक भएका नाममा थप गरी अन्तरपार्टी निर्देशन जारी गर्दै नेकपा एमाले (ओलीपक्ष)ले प्रदेशका सहइन्चार्ज थपेको छ।

Advertisement 1

पार्टी अध्यक्ष केपी शर्मा ओलीले चैत १३ मा जारी गरेको अन्तरपार्टी निर्देशनमा सहइन्चार्ज थपिएको छ। ओलीको पक्षमा लागेका बागलुङका लीलबहादुर थापामगरले एमाले गण्डकी प्रदेश सह इन्चार्जको जिम्मेवारी पाएका छन् । राष्ट्रिय जनमोर्चाबाट २०६३ सालमा तात्कालीन माओवादीमा लागेका थापामगरले पछिल्लो समय संसद् विघटनको समर्थन गर्दै पुष्पकमल दाहाल ’प्रचण्ड’को साथ छाडेपछि एमालेका अध्यक्ष बनेका ओलीको निगाहामा उनी गण्डकी प्रदेश सह इन्चार्ज बनेका हुन् ।

यसअघि गण्डकी प्रदेश सह इन्चार्जको जिम्मेवारी पाएका ओलीका विश्वासपात्र मानिने खगराज अधिकारीलाई हटाएर थापालाई जिम्मेवारी दिइएको हो । सह इन्चार्जबाट हटाइएका नेता अधिकारी कास्की क्षेत्र नं १ बाट निर्वाचित सांसदसमेत हुन् ।