शान्ति सुरक्षाका नाममा एक वर्षमा गृहमन्त्री र गृहसचिवले मात्रै झन्डै डेढ करोड खर्च गरेको भेटिएको छ । महालेखापरीक्षकको कार्यालयले हालै सार्वजनिक गरेको ५९ औं बार्षिक प्रतिवेदन अनुसार आर्थिक वर्ष २०७७/ ७८ मा मन्त्री र सचिवले १ करोड ३८ लाख ५ हजार रुपैयाँ खर्च गरेको भेटिएको हो ।

Advertisement 1

०५० जेठ १३ गते मन्त्रिपरिषद्को निर्णयानुसार शान्ति सुरक्षा कायम राख्ने प्रयोजनको लागि गृहमन्त्रीले एक पटकमा ५० हजार रुपैयाँ र गृहसचिवले २० हजार रुपैयाँसम्म खर्च गर्न सक्ने व्यवस्था रहेको छ। सोही व्यवस्थालाई टेकेर आर्थिक वर्ष ०७७/७८ मा गृहमन्त्रीले ६२ लाख ५० हजार रुपैयाँ र गृहसचिवले ७५ लाख ५५ हजार रुपैयाँ खर्च गरेको महालेखाले जनाएको छ।

अर्थमन्त्रीभन्दा गृहसचिवले उक्त वर्ष शान्ति सुरक्षाको नामममा १३ लाख ५ हजार रुपैयाँ बढी खर्च गरेको देखिएको छ । निर्णयमा एक पटकको खर्चको सीमा तोकिए पनि साप्ताहिक, मासिक वा कुनै निश्चित अवधि किटान नगरेकोले स्पष्टसहित अवधि किटान गरिनुपर्दछ,’ महालेखाले आफ्नो प्रतिवेदनमा भनेको छ। उक्त वर्ष गृहमन्त्रीमा रामबहादुर थापा ‘बादल’ र गृहसचिवमा महेश्वर न्यौपाने थिए।