लोकसेवा र कर्मचारी समायोजनसम्बन्धी मुद्धाको गाँठो कस्तो भने,अहिलेसम्म सर्वाेच्च अदालतले २४ पटक मुछाको पेशी तोकेर टुंग्याउन सकेन । यही मुद्धा गत २९ पुसदेखि निरन्तर बहस चल्दैछ । बहस नसकिएपछि अहिलेसम्म ५ पटकसम्म हेर्दाहर्दैमा राखिएको छ ।

Advertisement 1

जुन मुद्धाको आज पनि सर्वाेच्च अदालतमा सुनुवाई भइरहेको छ ।  गत २९ पुसदेखि पूर्ण इजलाशमा राखेर नियमित सुनुवाई भइरहेको यो मुद्धामा हिजोको सुनुवाई पनि नसकिएपछि पाँचौं पटक हेर्दा हेर्दैमा राखेर आजका लागि पेशी सारिएको हो ।
यस अघि पहिलो पटक पुस २९ गते सुनुवाई नसकिए पछि हेर्दा हेर्दैमा राखिएको सो मुद्धामा ५ माघमा सुनुवाई भएको थियो । सो दिन पनि सुनुवाई नसकिएपछि हेर्दा हेर्दामै राखेर बिहिबार पनि सुनुवाई भएको थियो । शुक्रवार समेत पेशीमा चढेर सुनुवाई भएको सो मुद्धा आइतबार भने देशभरका अदालत बन्द भएका कारण सुनुवाई हुन सकेन । सोमबार समेत सुनुवाई नसकिए पछि हेर्दा हेर्दैमा राखेर मंगलबार पेशी तोकिएको हो ।

सर्वोच्चका गत मंगलबार बसेको फुलकोर्टको बैठकले आगामी १८ माघसम्मलाई सेवा कटौती गर्ने निर्णय गरेको थियो । पूर्ण इजलाशले आगामी १८ माघसम्म बन्दीप्रत्यक्षीकरण,मुद्धा फिर्ता तामेली एवम मिलापत्रसम्बन्धी कामबारवाही यस अघि हेर्दा हेर्दै वा निसुमा रहेका मुद्धाहरुको मात्र सुनुवाई हुने जनाइएको छ ।
सोही निर्णय अनुसार अघिल्लो साता हेर्दा हेर्दैमा परेको कर्मचारी समायोजन र लोकसेवा आयोगसँग सम्बन्धी दुई दर्जन मुद्धा सुनुवाईका त्यस यता लगातार पेशीमा चढ्दै आएको छ
सर्वाेच्चका न्यायधीशत्रय आनन्दमोहन भट्टराई, सपना प्रधान मल्ल र नहकुल सुवेदी सम्मिलित पूर्ण इजलासमा भइरहेको छ।शिवहरि दाहाल, अनमोल भट्टराई, इन्द्रकमल सिवाकोटीलगायतले दायर गरेका मुद्दामा पेशी तोकिए पनि कहिले बेञ्च नबसेर त कहिले हेर्न नमिल्नेमा परेर अहिलेसम्म २४ पटक पेशी सारिएको थियो । हिजोसमेत गरी पाँचौ पटकसम्म सुनुवाई नसकिएपछि हेर्दा हेर्दैमा राखेर आज सुनुवाई भइरहेको हो ।