भूमि व्यवस्थापन तथा अभिलेख विभागका महानिर्देशकमा पिताम्बर घिमिरे नियुक्त भएका छन् । सरकारले विभागका महानिर्देशक शेषनारायण पौडेललाई श्रम रोजगार तथा सामाजिक सुरक्षा मन्त्रालयमा सरुवा गरेसँगै रिक्त रहेको ठाउँमा भूमि व्यवस्था सहकारी तथा गरिबी निवारण मन्त्रालयले घिमिरेलाई खटाएको हो ।

Advertisement 1

पौडेल गत ०७७ जेठमा विभागको महानिर्देशक बनेर पुगेका थिए । १८ महिना नेतृत्वमा रहँदा भूमि प्रशासन र विभागको छवि सुधार्नेदेखि प्रविधिमैत्री भूमि प्रशासन बनाउन खटिरहेका उनलाई श्रममा पठाएर त्यहाँ घिमिरेलाई ल्याइएको हो ।

विभागको नेतृत्व महेश बरालले लिने चर्चा थियो । पोखरा महानगरपालिकाका प्रमुख प्रशासकीय अधिकृत महेश बराललाई केही अघि मन्त्रालयमा तानिएसँगै त्यहाँ बराललाई पठाउन लागिएको चर्चा थियो तर मन्त्रालयले घिमिरेलाई विभागको हाकिम बनाएर खटाएको छ ।

Advertisement 2

घिमिरे यस अघि मन्त्रालयकै भूमि व्यवस्थापन महाशाखाका प्रमुखको भूमिकामा थिए । उनलाई विभागमा पठाइएसँगै केही अघि पोखराबाट मन्त्रालयमा तानिएका बराललाई भूमि व्यवस्थापन विभागको जिम्मेवारी दिइएको छ

यस अघि गृह मातहत रहेर केही जिल्लाका सिडिओ समेत चलाइसकेका घिमिरे केही महिना अघि मात्र भूमि व्यवस्था विभाग तथा गरिबी निवारण मन्त्रालयमा सरुवा भएका थिए ।