मुलुकको प्रमुख प्रशासकीय केन्द्रभित्रै झण्डै दुई दर्जन सहसचिव जिम्मेवारबिहिन अबस्थामा रहेका छन् । कोही दुई तीन महिनादेखि त कोही केही हप्ता अघिदेखि जिम्मेवारबिहिन अबस्थामा रहेका छन् । जसमध्ये गृह,उद्योग,वाणिज्य तथा आपुर्ति मन्त्रालय,परराष्ट्र,समान्य प्रशासन मन्त्रालयमा कार्यरत सहसचिवहरु कोही भर्खरै बढुवा भएका कारण पोष्टिङ भएका छैनन भने कुनै मन्त्रालयमा तीन चार महिनादेखि नै जिम्मेवारबिहिन अबस्थामा रहेका छन् ।

Advertisement 1

केहीको पदस्थापन हुनै सकेको छैन भने केही जगेडामा थन्काइएका छन् । सबैभन्दा बढी गृह मन्त्रालयमा छन् । गृह स्रोतका अनुसार, ७ जना सहसचिवको पदस्थापन हुन सकेको छैन । दशैं अगावै सरुवा गरेर गृहमा तानिएका उनीहरुलाई अझैं जिम्मेवारी दिइएको छैन ।

गृह मन्त्रालयका एक सहसचिवको अनुसार ७ जना सहसचिव जिम्मेवारविहिन छन् । उनीहरुको दैनिकी मन्त्रालय जाने र फर्कनेमा सीमित छ । यद्यपि गृहका निजामती कर्मचारी प्रशासन शाखाका उपसचिव शोभाखर रेग्मीले ५ जना मात्र पदस्थापन हुन बाँकी रहेको प्रतिक्रिया दिए । उनका अनुसार,सिडियो नियुक्त हुनका लागि तालिम नलिएकाहरु त्यसरी मन्त्रालयमै रहेका रेग्मीको भनाई छ । उनीहरुलाई पनि केही न केही जिम्मेवारी दिइएको छ ।

Advertisement 2

यसरी जिम्मेवारबिहिन बनाइएकाहरुमा सुनिता नेपाल, रमेश ढकाल लगायत छन् ।
उता विभागीय मन्त्री हुँदा उद्योग मन्त्रालयले चार जना सहसचिवको पोष्टिङ समेत गर्न सकेको छैन । गत असोज ३१ गते सरुवा भइ उद्योग मन्त्रालय मातहत आएकाचार सहसचिवको पोष्टिङ हुन नसक्दा उनीहरु बरण्डामा सीमित भएका छन् ।

दैनिक मन्त्रालय जाने,हाजिर गर्ने र फर्कनेमा सीमित छ उनीहरुको दैनिकी । सह–सचिवहरु राधिका अर्याल, बाबुराम गौतम,गोविन्द कार्की रामअधार साह कामबिहिन भए । सोही समयमा वाणिज्य विभाग र लघु तथा घरेलु प्रर्वद्धन केन्द्र पनि प्रमुख बिहिन अबस्थामा रहेका छन् । वाणिज्य विभागमा रहेका महानिर्देशक प्रकाश अधिकारी राजश्व अनुसन्धान विभागमा पुगेसँगै वाणिज्य विभाग नेतृत्व बिहिन अबस्थामा छ ।

उता परराष्ट्र मन्त्रालयका ५ सहसचिव जिम्मेवारबिहिन अबस्थामा छन् । परराष्ट्र मन्त्रालयमा १० महाशाखा र दुई विभाग रहेकामा ती सबैमा सहसचिव पूर्ण भएर पनि पाँच सहसचिव कामविहीन अवस्थामा प्रशासनमा थन्काएर राखिएको अबस्था छ ।

हालै सचिवमा बढुवा भएका ६ सहसचिवलाई सामान्यले अतिरिक्त समूहमा राखेको छ । माधवप्रसाद पोखरेल, तीर्थराज चिलुवाल, रामचन्द्र तिवारी, भोला दाहाल र आदिवासी जनजाति तर्फ रेखा दास र दलिततर्फ मेखबहादुर मंग्राती सहसचिवमा बढुवा भएका थिए । उनीहरु ६ जनालाई अतिरिक्त समूहमा पदस्थापन भएका सहसचिवहरूलाई केही दिनमा विभिन्न निकायमा पठाइने छ ।

कृषि मन्त्रालयमा ५ सहसचिव महिनौं दिनदेखि जिम्मेवारबिहिन अबस्थामा राखिएको थिए । तिनलाई हालै मात्र पदस्थापन गरिएको कृषि मन्त्रालयले जनाएको छ ।

उता शिक्षा मन्त्रालयमा कार्यरत २२ जना उपसचिवको पोष्टिङ हुन सकेको छैन । पुर्ननिर्माण प्राधिकरण खारेज भएसँगै त्यहाँबट फिर्ता भएर मन्त्रालयमा आएका २२ जना उपसचिव अहिले बरण्डामा सीमित भएका छन् ।