बुधवार बिहान साढे ११ बजे केन्द्रीय तथ्यांक विभागका महानिर्देशकले राष्ट्रपति विद्यादेवी भण्डारीलाई तपाईं नाम के हो ? कति वर्षको हुनुभयो ? भनेर प्रश्न गरेका छन् ।

Advertisement 1

महानिर्देशक सहितका कर्मचारी राष्ट्रपति निवास शीतल निवास छिरे । जहाँ राष्ट्रपति भण्डारी आजैबाट सुरु भएको राष्ट्रिय जनगणनाका लागि सोधिने प्रश्नावलीको उत्तर दिन तयार भएर बसेकी थिइन् । राष्ट्रपति भण्डारीको परिवारको जणना लिन भने केन्द्रीय तथ्यांक विभागका महानिर्देशक नेविनलाल श्रेष्ठ आफैँ उपस्थित थिए ।

श्रेष्ठको टोली र राष्ट्रपतिबीच केहीबेर शिष्टाचार भेट भयो । त्यसपछि महानिर्देक श्रेष्ठले आफूलाई गणककै रूपमा प्रस्तुत गर्दै भने– सुरु गरौं है । जनगणनाको पारिवारिक लगत फारम खोल्दै उनले पहिलो प्रश्न गरे– तपाईं नाम के हो ? कति वर्षको हुनुभयो ? राष्ट्रपतिका स्वकीय सचिव भेषराज अधिकारीका अनुसार श्रेष्ठले सोधेका यस्ता केही प्रश्नको उत्तर राष्ट्रपति भण्डारी स्वयंले दिएपछि थप विवरण भने टोलीमा खटिएका अन्य व्यक्तिले परिवारका सदस्यको सहयोगमा संकलन गरे ।

Advertisement 2

विभागको टोलीले प्रधानमन्त्रीको विवरण पनि यसैगरी लिएको छ ।

के-के विवरण लिइन्छ?

•तपाईंको परिवारमा अक्सर बसोबास गर्ने पुरुष, महिला र अन्य लिङ्गीहरूको संख्या कति छ? (अन्य लिङ्गी भन्नाले लैंगिक तथा यौनिक अल्पसंख्यक समुदायका व्यक्ति भन्ने बुझिन्छ।)

•तपाईं बसोबास गर्नु भएको घर वा अन्य प्रकारका घरको प्रयोग कसरी भएको छ? (यस प्रश्नबाट आवासीय, व्यापार व्यवसाय, सरकारी, शैक्षिक, स्वास्थ्यजन्य, उद्योग तथा कलकारखाना, बैंक तथा वित्तीय संस्था, संस्थागत, होटल तथा लज, गोठ तथा धन्सार र खाली घरहरूको संख्या प्राप्त हुन्छ।)

•तपाईंले उपभोग गरेको कृषि योग्य जग्गा जमिन र परिवारले पालन गरेको पशुपन्छीहरूको संख्या कति छ?

•तपाईंको परिवारले सरकारी अनुदान अन्तरगत आवासीय घर निर्माण गरेको छ/छैन।

•तपाईंको घरमा कति जना व्यक्तिको नाममा बैंक वा वित्तीय संस्थामा खाता छ?

•तपाईंको परिवारमा प्राविधिक तथा व्यावशायिक शिक्षा वा तालिम लिएका व्यक्ति कति जना छन्?

•तपाईंको परिवारले बैंक, सहकारी संस्था वा वित्तीय संस्थाबाट ऋण सुविधा लिएको छ?