दाङकाको बेरुजु रकम सुधारोन्मुख देखिए पनि अधिकांश पालिकामा बेरुजुको चाङ लागेको छ । महालेखा परीक्षणको कार्यालयले दाङका दश स्थानीय तहमा एक अर्ब ५ करोड २२ लाख ३४ हजार रुपैयाँको बेरुजु देखाएको हो ।

Advertisement 1

कुन पालिकामा कति बेरुजु
गढवा गाउँपालिकामा चार करोड २६ लाख २९ हजार बेरुजु रकम छ । जुन ४ प्रतिशत हो । दंगीशरण गाउँपालिकाको एक करोड ७९ लाख १५ हजार छ । जुन ३.०६ प्रतिशत हो ।

बंगलाचुली गाउँपालिकामा छ करोड ५३ लाख ८३ हजार छ । जुन ५.६१ प्रतिशत हो । राजपुर गाउँपालिकाको चार करोड ८१ लाख ३७ हजार रुपैयाँ छ । जुन ६.०४ प्रतिशत हो ।

Advertisement 2

शान्तिनगर गाउँपालिकाको एक करोड ७६ लाख ९४ हजार रुपैयाँ छ । जुन १.९३ प्रतिशत हो । राप्ती गाउँपालिकामा दुई करोड ९१ लाख ३६ हजार रुपैयाँ छ । जुन २.६५ प्रतिशत हो ।

घोराही उपमहानगरपालिकाको ३० करोड ९७ लाख बेरुजु रहेको छ । बेरुजु रहेको रकममध्ये पेस्की बेरुजु ६ लाख रुपैयाँ छ ।

उपमहानगरपालिकाको यस वर्षको बेरुजु ११ करोड १२ लाख रुपैयाँ छ । यस वर्षको बेरुजु प्रतिशतमा २.८१ छ । घोराही उपमहानगरपालिकामा ३ अर्ब ९५ करोड २५ लाख रकमको लेखा परीक्षण गरिएको थियो ।

तुलसीपुर उपमहानगरपालिकामा ३३ करोड ६८ लाख बेरुजु रहेको छ । बेरुजुमध्ये पेस्की बेरुजु १५ करोड रुपैयाँ छ । यस वर्षको बेरुजु १३ करोड ७० लाख रुपैयाँ थप भएको छ ।

यस वर्षको बेरुजु प्रतिशतमा ३.७३ प्रतिशत रहेको छ । यस उपमहानगरपालिकामा ३ अर्ब ६७ करोड १९ लाख रकमको लेखापरीक्षण गरिएको थियो ।लमही नगरपालिकामा १६ करोड ५८ लाख ८२ हजार रुपैयाँ बेरुजु देखिएको छ । जुन १४.१२ प्रतिशत हो ।

लमही नगरपालिकाका प्रमुख कुलबहादुर केसीले बेरुजु कटाउन कागजपत्र पेस गरिए पनि रकम कट्टा नहुँदा यस वर्ष बेरुजुको रकम धेरै देखिएको हुन सक्ने बताए ।सबैभन्दा थोरै बेरुजु बबई गाउँपालिकाको छ । बबई गाउँपालिकाको ७२ लाख ३९ हजार बेरुजु देखिएको छ । जुन ०‍.८९ प्रतिशत मात्रै हो । बबई गाउँपालिकाका अध्यक्ष भुवनेश्वर पौडेलले बेरुजु रकम घटाउन योजनावद्धरुपमा काम अघि बढेको प्रतिक्रिया दिएका छन् ।।