एडिबिएल स्मार्ट प्लस एपबाट डिसहोमका सेवाहरू नवीकरण गर्न सकिने
काठमाडौं। कृषि विकास बैंकले आफ्नो स्मार्ट प्लस मोबाइल एपमार्फत डिसहोमका विभिन्न सेवा नवीकरण गर्न सकिने सुविधा उपलब्ध गराएको छ। यससँगै डिसहोमका ग्राहकले टेलिभिजन तथा इन्टरनेट सेवाको नवीकरणका लागि छुट्टै प्रक्रिया अपनाउनुपर्ने झन्झट कम हुने भएको छ।
Advertisement 1
बैंकको स्मार्ट प्लस एप प्रयोग गर्ने ग्राहकले अब घरमै बसेर डिसहोम इन्टरनेट र आईपीटिभीको संयुक्त प्याकेज, इन्टरनेट तथा डीटीएच टेलिभिजनको संयुक्त प्याकेज र डिसहोम डीटीएच टेलिभिजन सेवा नवीकरण गर्न सक्नेछन्।
डिजिटल भुक्तानीको प्रयोग बढ्दै गएको अवस्थामा बैंकको मोबाइल एपबाटै सेवा नवीकरण गर्न सकिने सुविधाले ग्राहकलाई समयको बचतसँगै भुक्तानी प्रक्रियामा सहजता प्रदान गर्ने अपेक्षा गरिएको छ। विशेषगरी नियमित रूपमा इन्टरनेट तथा टेलिभिजन सेवा प्रयोग गर्ने ग्राहकका लागि यो सुविधा उपयोगी हुने देखिन्छ।
Advertisement 2
डिसहोमले ग्राहकलाई सहज र सुविधाजनक सेवा उपलब्ध गराउने उद्देश्यले विभिन्न विद्युतीय भुक्तानी माध्यमबाट सेवा नवीकरण गर्ने विकल्प विस्तार गर्दै आएको जनाएको छ। स्मार्ट प्लस एपबाहेक अन्य उपलब्ध डिजिटल भुक्तानी माध्यमबाट समेत ग्राहकले आफ्ना सेवा नवीकरण गर्न सक्नेछन्।
डिजिटल माध्यमबाट भुक्तानी तथा सेवा नवीकरणका विकल्प विस्तार हुँदा ग्राहकले आफ्नो सुविधाअनुसार उपयुक्त माध्यम छनोट गर्न पाउनेछन्। यसले परम्परागत भुक्तानी प्रक्रियामा निर्भरता घटाउँदै डिजिटल सेवाको प्रयोगलाई थप सहज बनाउने अपेक्षा गरिएको छ।
Advertisement 3
डिसहोमका सेवा नवीकरणसम्बन्धी थप जानकारीका लागि कम्पनीको ग्राहक सेवा वा आधिकारिक डिजिटल माध्यमबाट जानकारी लिन सकिनेछ।
