सरकारले मंगलबार एकै पटक ८५ सहसचिवको सरुवा गरेको छ । जसमध्ये प्रशासन सेवाका ५४,कृषि सेवाको १३,इञ्जिनियरिङ सेवाबाट ९,वन सेवाबाट ५ र शिक्षा सेवाबाट ४ जना सहसचिव गरी ८५ जना सह सचिवको सरुवाको सूची सार्वजनिक भएको छ ।

Advertisement 1

सरुवा भएकामध्ये वन सेवाका ५ सहसचिव सरुवा हुँदा ३ जना संघमा र २ जना प्रदेशमा खटाइएका छन् । यस्तै शिक्षा समुहबाट ४ जना सहसचिवको सरुवा हुँदा ३ जना प्रदेशमा पठाइएका छन् भने एक जना संघमा तानिएको छ । कृषि सेवाबाट १३ जना सहसचिवको सरुवा हुँदा ७ जना संघमा र ६ जना प्रदेशमा खटाइएका छन् ।
इञ्जिनियरिङ सेवाबाट ९ सहसचिवको सरुवा हुँदा ४ संघमा र ५ जना प्रदेशमा खटाइएको छ । सबैभन्दा बढी प्रशासन सेवाबाट ५४ जना सहसचिवको सरुवा गरिँदा ४० जना संघमा तानिएका छन भने १४ जना मात्र प्रदेशमा खटाइएका छन् । जसमध्ये पनि प्रशासन सेवाभित्र सबैभन्दा पावरफुल मानिने गृहमा १४ जना सहसचिव लगिएको छ ।

सरुवा भएका सूची अनुसार,प्रदेश नम्बर दुईमा आर्थिक मामिला तथा योजना मन्त्रालयबाट काशीराज दाहाललाई गृह मन्त्रालय वा अन्तरगत ल्याइएको छ । यस्तै,ऋषिराम तिवारीलाई भूमि व्यवस्था तथा सहकारी मन्त्रालयबाट गृहमा लगिएको छ । ओली सरकारको अन्याय वा पेलानमा परेका राष्ट्रिय प्राकृतिक स्रोत तथा बित्त आयोगका भीष्मकुमार भुषाल पनि गृहमा पुगेका छन् । वाग्मती प्रदेशमा कार्यरत प्रदीप कोइराला,लोकसेवा आयोगबाट कृष्णप्रसाद लम्साल,अख्तियारबाट विपिन आचार्य,कर्णाली प्रदेशबाट पुण्यविक्रम पौडेल,लुम्बिनी प्रदेशबाट शंकरहरि आचार्य,प्रदेश नम्बर २ बाट बिरेन्द्रकुमार यादव गृह वा मातहत तानिएका छन् ।

Advertisement 2

यस्तै,भूमि व्यवस्थाकै दीपककुमार पहाडीलाई गृहमा लगिएको छ भने नेपालगञ्ज उपमहानगरपालिकाबाट हिरालाल रेग्मीलाई गृहमै तानिएको छ । अख्तियारका रमेश ढकाल,उद्योगका पुष्पराज शाही पनि गृहमै पुगेका छन् । सूची अनुसार गृहमा १४ जना सह सचिव भित्रिएका छन् भने ११ जना गृहबाट बाहिर पठाइएको छ ।

यता गृहबाट बाहिरिने सहसचिवहरुमा काठमाडौंबाट सिडियो कालिप्रसाद पराजुलीलाई आन्तरिक मामिला तथा कानुन मन्त्रालयमा लगिएको छ । यस्तै,पञ्जीकरण विभागका महानिर्देशक रहेका जितेन्द्र बस्नेतलाई शिक्षा तथा सामाजिक विकास मन्त्रालय लुम्बिनी प्रदेशमा खटाइएको छ । भक्तपुरको प्रमुख जिल्ला अधिकारीको भूमिकामा रहेका प्रेमप्रसाद भट्टराई प्रधानमन्त्री तथा मन्त्रिपरिषद्को कार्यालयमा तानिएका छन् । उनलाई सम्पत्ति शुद्धिकरणमा लैजाने तयारी छ ।

तुल्सीराम सेढाईबाट गृहबाट राष्ट्रिय प्राकृतिक स्रोत तथा बीत्त आयोगमा पठाइएको छ । गौलोचन सैजुलाई सत्यनिरुपण तथा मेलमिलाप आयोग,हेमराज तमाङलाई उपराष्ट्रपतिको कार्यालय,सुरेन्द्र पौडेललाई लगानी वोर्डमा पठाइएको छ भने ज्ञानप्रसाद ढकाललाई प्रधानमन्त्री तथा मन्त्रिपरिषद्को कार्यालयमा खटाइदाँ सागर आचार्यलाई युवा तथा खेलक्द मन्त्रालयतिर पठाइएको छ । शालिग्राम पौडेललाई निर्वाचन आयोगतिर खटाइएको छ ।