त्रिभुवन विश्वविद्यालयद्वारा भौतिकरुपमा सञ्चालन गर्दै आएको परीक्षालाई रोक्न माग गर्दै सर्वोच्च अदालतमा रिट दायर भएको छ । शुक्रबार हामी नेपाल नामक सामाजिक संस्थाले सर्वोच्चमा रिट दायर गरेको हो ।

Advertisement 1

प्रधानमन्त्री तथा मन्त्रिपरिषदको कार्यालय, शिक्षा मन्त्रालय, त्रिभुवन विश्वविद्यालय र परीक्षा नियन्त्रकको कार्यालयलाई विपक्षी बनाइएको उक्त रिटमा अन्तरिम आदेशसहितको उत्प्रेषण र परमादेश माग गरिएको छ ।

जनस्वास्थ्यका मापदण्ड उल्लंघन गर्दै भौतिकरुपमा परीक्षा संचालन गरेर त्रिभुवन विश्वविद्यालयले विद्यार्थीको जीवनसँग खेलवाड गरेको उक्त रिटमा उल्लेख छ । हामी नेपाल नामक सामाजिक संस्थाले दोस्रो लहरको बेला अक्सिजन लगायतका स्वास्थ्य सामाग्री जुटाउन पहल समेत गरेको थियो ।