संघीय मामिला तथा सामान्य प्रशासन मन्त्रालयले दरबन्दी नै नभएको ठाउँमा लेखा अधिकृतको सरुवा गरेको छ । आर्थिक बर्षको अन्त्यमा फर्जी बिलको भुक्तानी गर्न नमान्दा पर्सागढी नगरपालिकाले लेखा अधिकृतलाई निमित्त कार्यकारी अधिकृत र पालिकाका मेयरको दबाबमा दरबन्दी नै नभएको ठाउँमा रातारात सरुवा गरिएको भेटिएको हो ।
आर्थिक वर्ष सकिएको तेस्रो दिनमा सातौं तहका लेखा अधिकृत रामकुमार कुशवाहालाई जिन्सी सामानहरू बरबुझारथ गरी महालेखा नियन्त्रण कार्यालय काठमाडौंमा हाजिर हुन जाने गरी फिर्ता पठाइएको पत्र काटिएको भोलीपल्टै लेखा अधिकृत कुशवाहलाई जिल्ला समन्वय समिति पर्सामा खटाइएको पत्र सामान्यले तयार पारेको हो ।
गत असार मसान्तमा एक करोड ५० लाख रुपैयाँभन्दा बढीको फर्जी बिल बनाएर चेक काट्न दबाब दिएको र आफूले फर्जी भुक्तानीमा रोक लगाएपछि नगरपालिकाले फिर्ता पठाएको कुशवाहाको भोलीपल्टै सामान्यले जिससमा सरुवाको पत्र थमाएको भेटिएको छ  ।

Advertisement 1

उनी नगरपालिकामा रहँदा गत आवमा सामुदायिक विद्यालयहरूमा २० लाख रुपैयाँको सफ्टवेयर जडान गर्ने योजना थियो । तर कामै नभएकोमा पनि भुक्तानीका लागि बिल पेस गरिएको थियो । व्यक्तिगत घटना दर्ता शिविर खर्चका लागि १२ लाख रुपैयाँको बिल पेस भएको थियो

Advertisement 2

। जबकि त्यस्तो शिविर सञ्चालन नै भएको थिएन । कोरोनाको दोस्रो लहरको क्रममा नगरपालिकाले वीरगन्जको होटल साह दरबारमा मिनी आइसोलेसन सेन्टर सञ्चालनमा ल्याएको थियो । जसमा ८ जना संक्रमित बसेका थिए । होटलमा बसेबापतको ४ लाख ७० हजार ३ सय ६९ रुपैयाँ र संक्रमितका लागि सञ्जय होटलबाट खाना र खाजा व्यवस्थापनको ३ लाख ९१ हजार ५ सय ७० रुपैयाँ गरी ८ लाख ६९ हजार ९ सय ३९ रुपैयाँको बिल पेस भएको थियो ।

यसैगरी, कोरोनाको पहिलो लहरमा वीरगन्जकै होटल कुमु प्यालेसमा नगरपालिकाले मिनी आइसोलेसन सेन्टर र क्वारेन्टाइन सञ्चालनमा ल्याएको थियो । १६ जना संक्रमित १० दिन बस्दा ११ लाख ८० हजार ९ सय ८० रुपैयाँको बिल पेस भएको थियो । आइसोलेसन सेन्टर सञ्चालन गरेबापत होटल कुमुको ५ लाख ५५ हजार ९ सय ६० र सगुन होटलबाट संक्रमितका लागि खाना र खाजाका लागि ६ लाख २५ हजार रुपैयाँ खर्च भएको बिलमा उल्लेख थियो । असारमै निकालिएको १ करोडको कोटेसन गोप्य राखी बाराको एक फर्मसँगको मिलेमतोमा बीउबिजन, धारा, अर्गानिक मल, मोटर, ह्युमपाइप खरिद गरेको भन्दै बिल प्रस्तुत गरिएको थियो । झन्डै डेढ करोड रुपैयाँको फर्जी बिल बनाई भुक्तानी दिन दबाब पनि सो दबाब नमान्दा उनलाई लखेटिएको थियो ।
नगरपालिकाका निमित्त प्रमुख प्रशासकीय अधिकृत भरतप्रसाद यादव र नगर प्रम्खको मिलेमतोमा त्यहाँबाट सरुवा गराइ उनको दरबन्दी नै नभएको जिसस पर्सामा पठाइएको छ ।