सुशासनका सबालमा सतिसालझैं हुन भीष्मकुमार भुषाल । नेताका ढोका ढुक्न नजान्ने,चाकडी चाप्लुसी कला नजान्दा सधै लखेटिनेमा पर्दछन् । जिम्मेवारीको हिसाबले लो प्रोफाइलवाला सहसचिव बस्ने निकाय वित्त आयोगमा पुर्याइएको छ उनलाई अहिले । उनै भुषालले खोप व्यवस्थापनमा सरकारका ५ कमजोरीलाई यसरी औल्याएका छन्

Advertisement 1

सेवा दिएर मात्र हुँदैन, पाएको महसूस पनि हुनुपर्छ

१) खोप लाउने एक ठाउँ, प्रमाणपत्र लिने अर्को ठाउँ, खोप निशुल्क, प्रमाणपत्र सशुल्क, प्रमाणपत्रको आधिकारिकता गन्तव्य मुलुकको अध्यागमनमा कसरी प्रमाणित गर्ने भन्ने कुराको अन्योल, वैदेशिक रोजगारमा जाने नेपालीहरू खोपको खोजीमा कहिले गङ्गालाल, कहिले शुक्रराज, कहिले कता, भौतारिनु पर्ने।
२) वैदेशिक रोजगार विभाग, अध्यागमन विभाग, स्वास्थ्य सेवा विभागमा समन्वयको विद्यमान अवस्थामा सजिलै सुधार गर्न सकिने विषय।
३) तर पनि अहिलेको सूचना प्रविधिको यूगमा रातभर लाइन लाएर प्रमाणपत्र लिनुपर्ने विषय शोभनीय होइन।
४) एउटा सफ्टवेयरमा खोप लाउनेको विवरण, खोपको किसिम, व्याच नम्बर, खोप लगाएको मिति लगायतका कुराहरू खोप लाउने बेलैमा वा सोही दिन अद्यावधिक गर्न नसकिने होइन। प्रमाणपत्र अनलाइन प्रिन्ट गर्न सकिने र संसारका जुनसुकै स्थानबाट हेर्न सकिने बनाउनु पनि महाभारतको विषय होइन।
५) सरकारले सेवा दिएर मात्र हुँदैन। समन्वयको अभावमा सेवा लिनेले पाएको दुःखले निशुल्क सेवा दिए पनि सेवा पाएको अनुभूति हुँदैन।