निषेधाज्ञामा सरकारी गाडी लिएर युवतीसँग डेटिङमा लिप्त
मुलुक भर कोरोना भाईरसको त्रास छ । सरकारले सरकारी सवारी साधनलाई समेत अनावश्यक हिडडुल गर्न प्रतिबन्ध लगाएको छ ।ट्राफिक प्रहरीले बिहान १०ः३० बजे पछि सडकमा निस्किएका सरकारी सवारी साधनलाई नियन्त्रणमा लिने गरेको छ ।तर यस्तो महामारीमा सरकारी गाडी लिएर एक जोडी स्वयंभूको डाडामा डेटिङ गर्न भ्याएका छन् ।
Advertisement 1
कोरोना महामारीका कारण राजधानीलगायत देशका अधिकांश जिल्लामा निषेधाज्ञा जारी रहेको बेला आइतबार बिहान करिब ११ बजेको समयमा स्वयम्भु डाँडामा प्रदेश नं। ३–०१– ००२ झ ४९२२ नम्बरको सरकारी गाडी लिएर एक जोडी अंकमाल गरेका तस्बिर र भिडियो सामाजिक सन्जालमा सार्वजनिक भएको थियो।उक्त गाडी नयाँ शहर आयोजना समन्वय कार्यालयका निर्देशक रोशन श्रेष्ठको रहेको खुलेको छ।
नयाँ शहर सहरी बिकास मन्त्रालय अन्तर्गतको आयोजना हो। शहरी बिकास तथा भवन निर्माण बिभागका आयोजनाहरु मध्ये नयाँ शहर आयोजना महत्वपूर्ण मानिन्छ।श्रेष्ठले नै एक युवतीलाई लिएर त्यहाँ रोमान्स गर्न गएको आयोजनाकै एक कर्मचारीले नाम नवताउने सर्तमा दाबी गरेका छन् । अहिले सबैतिरबाट उक्त गाडीको बारेमा खोजी हुन थालेपछि श्रेष्ठ मोबाइल स्वीच अफ गरेर बसेका छन् ।तर, सरकारी नम्बर प्लेट भएकाले उनीहरुलाई प्रहरीले निर्वाध हिंड्न छुट दिएको थियो। भिडियो र तस्बिरमा उनीहरुको अनुहार भने प्रस्ट देखिँदैन।
Advertisement 2
सरकारी गाडीमा पुगेका ती जोडीले अनैतिक गतिविधि देखाउन थालेपछि स्थानीयले पत्रकारलाई खबर गरेका थिए ।रोशन श्रेष्ठ भन्छन् गाडी मैले नै चढ्ने हो, ड्राइभरले लगेको होनिषेधाज्ञाको समयमा सरकारी गाडी लिएर युवतीसँग डाँडामा पुगेर डेटिङमा लिप्त हुन पाईन्छ त रु भन्ने प्रश्नमा श्रेष्ठले उक्त व्यक्ति आफु नभएको वताए।
Advertisement 3
श्रेष्ठले उक्त गाडी ड्राइभरले लगेको र आफु छलफलमा रहेको भन्दै पन्छिन खोजे । ती ड्राइभर को हुन त भन्ने प्रश्नमा उनले नामै भन्न चाहेनन्।तर, उक्त आयोजनाका एक कर्मचारी भने श्रेष्ठ आँफैले गाडी चलाएको र ड्राइभर भन्दै गल्ति ढाकछोप गरेको दाबी गर्छन्। भिडियो दृश्य लिइरहेको देखेपछि उनीहरु एकाएक भागेका थिए । यसरी जाने युवा अन्दाजी ३५ बर्षका देखिन्थे भने युवती २० बर्षे देखिन्थिन् ।फेला परे लगत्तै त्यो जोडी एकाएक भिडियो डिलिट गर्नु भन्दै भागेका थिए । यसरी डेटिङ जाने यो जोडी को होला? सम्बंधित निकायले सरकारी गाडी दुरुपयोग र निषेधाज्ञा उल्लंघनमा कारबाही हुनुपर्ने भन्दै सामाजिक सञ्जालमा आलोचना समेत भइरहको छ ।
