आज पनि बढ्यो सुनचाँदीको मूल्य
काठमाडौं। पछिल्ला केही दिनयता स्थानीय बजारमा सुनचाँदीको मूल्य लगातार बढीरहेको छ। आज पनि दुवै धातुको मूल्यमा बढोत्तरी भएको छ।
Advertisement 1
आज छापावाल सुनको मूल्य प्रतितोला रु २ लाख ६९ हजार ३०० र त्यति नै चाँदीको मोल रू ४ हजार ५८५ कायम भएको नेपाल सुनचाँदी व्यवसायी महासङ्घले जनाएको छ। दुवै धातुको मूल्य हालसम्मको उच्च हो।
गत बुधबार छापावाल सुन प्रतितोला रु २ लाख ६८ हजार १०० मा र चाँदी रु ४ हजार ४२० मा कारोबार भएको थियो। बिहीबार दुवै धातुको मूल्यमा सामान्य गिरावट आएर प्रतितोला सुन रु २ लाख ६७ हजार ५०० र चाँदी रु ४ हजार ४०० मा कारोबार भएको थियो।
Advertisement 2
अमेरिकी डलरको भाउ बढेसँगै सुनचाँदीको मूल्य पनि बढेको विश्लेषकहरूले बताएका छन्। अन्तरराष्ट्रिय बजारमा आज १ औँस सुन ४ हजार ५०० र त्यति नै परिमाणको चाँदी ७५ अमेरिकी डलरमा खरिदबिक्री भइरहेको अन्तरराष्ट्रिय सञ्चारमाध्यमहरूले जनाएका छन्।
