ललितपुर । दक्षिण ललितपुरको बागमती गाउँपालिकाले ‘जनतासँग अध्यक्ष’ कार्यक्रम विगत ३ वर्ष देखि लागु गरेको छ ।
उक्त कार्यक्रम अनुसार गाउँपालिकाले ५० हजार देखि एक लाख रुपैयाँसम्म किसानहरुलाई कृषि सामाग्री प्रदान गर्ने गरेको छ । उक्त कार्यक्रम अन्तर्गत गाउँपालिकाले कृषि फर्म बनाउन अनुदान दिने गरेको छ । यसकोलागि गाँउपालिकाले कार्यविधि पनि बनाएको छ ।जनतासँग अध्यक्ष कार्यक्रम सञ्चालन गर्न गाउँपालिकाले पछिल्लो दुई वर्ष बाषिक १ करोड र सुरुको वर्ष ८० लाख रुपैयाँ छुट्टयाइएको लोप्चनले जनाए । ‘जनतासँग अध्यक्ष कार्यक्रमको सही उपयोग होस भन्नेमा हामी सचेत छौ’लोप्चनले भने‘त्यसैले हामीले कार्यविधि समेत बनाएका छौ ।’
बागमतीले अर्को एउटा नयाँ कार्यक्रम पनि लागु गरेको छ । सो गाउँपालिकाले एकल पुरुषलाई भत्ता दिने निर्णय गरेको छ । गाउँपालिकाले विगत ३ वर्ष देखि ६० वर्ष र ७० वर्ष विचका एकल पुरुषलाई महिनाको एक हजार रुपैयाँको दरले भत्ता दिदै आएको छ । यस वर्ष एकल पुरुष भत्ता पाउनेहरु गाउँपालिकाभर ५० पुगेको गाउँपालिकाका अध्यक्ष वीरबहादुर लोप्चनले जनाए ।
पालिकाले विगत ३ वर्षदेखि देखि एकल पुरुषलाई मासिक भत्ता दिँदै आएको छ । विभिन्न पालिकाहरुले एकल महिला तथा वृद्ध भत्ता दिँदै आएको भए पनि बागमति गाउँपालिकाले भने एकल पुरुषहरुलाई पनि मासिक भत्ता दिँदै आएको हो ।पालिकाले एकल पुरुषलाई मासिक १ हजारका दरले भत्ता दिदैं आएको छ ।

Advertisement 1

अध्यक्ष लोप्चनका अनुसार पछिल्लो तीन बर्षमा गाउँपालिकाका एकल पुरुषहरुलाई १३ लाख रुपैयाँ भत्ता वितरण गरिसकेको छ । एकल पुरुषलाई मासिक भत्ता दिने बागमति नै पहिलो गाउँपालिका हो वाग्मति । पालिकाले अहिले ६० वर्ष पुगेका तर ७० वर्ष ननाघेका एकल पुरुषलाई भत्ता वितरण गर्दै आइरहेको छ ।
लोप्चनका अनुसार उक्त गाउँपालिकाले प्रत्येक टोलमा मोटर बाटो र एक घर एक धाराको नारा अघि सारेको छ । गाउँपालिकामा मोटर बाटो र खानेपानीको समस्या अन्त्य गर्न उक्त नारा लागु गरिएको लोप्चनले जनाए । ‘१०÷१२ वटा मात्र घर भएका एउटा टोलमा समेत मोटरबाटो पु¥याउने हाम्रो लक्ष्य छ’लोप्चनले बताए ।