विकासका लागि अनुशासनको खाँचो छ : पूर्वअर्थमन्त्री महत
काठमाडौं। पूर्वअर्थमन्त्री डा प्रकाशशरण महतले मुलुकको आर्थिक विकासका लागि उत्पादनमुखी र परिणाम दिने खालको बजेट आवश्यक रहेको बताएका छन्। साउथवेस्टर्न स्टेट कलेज वसुन्धराले अायोजना गरेको आर्थिक वर्ष २०८१/८२ को बजेटबाट अपेक्षा र कार्यान्वयन’ विषयक अन्तर्क्रियामा उनले मुलुकको अर्थतन्त्रलाई सही दिशा प्रदान गर्नका लागि अनुशासनको खाँचो रहेको बताएका हुन्।
Advertisement 1
नेपाली कांग्रेसका प्रवक्ता समेत रहेका डा महतले कुन क्षेत्रमा कति बजेट विनियोजन गर्दा मुलुकको आर्थिक विकासमा सहयोग पुग्छ त्यसको बारेमा सरकारले पहिल्यै यकिन गर्न आवश्यक रहेको बताए। ‘३ करोड रूपैयाँ लगातभन्दा साना आयोजना केन्द्र सरकारले नराख्ने भनी आर्थिक कार्यविधि अनुमोदन गरे पनि वर्तमान सरकारले उक्त कार्यविधिलाई कार्यान्वयनमा लैजान सकेको छैन,’ उनले भने।
उनले आन्तरिक स्रोतबाट ९० अर्ब रूपैयाँ ऋण लिने बजेट वक्तव्यमा उल्लेख भएको बताउँदै उक्त पैसा निजी क्षेत्रमा प्रवाह हुँदा बैंक तथा वित्तीय संस्थाको ब्याजसमेत बढ्ने उल्लेख गरे। ‘बैंक तथा वित्तीय संस्थाबाट सरकारले ऋण लिँदा निजी क्षेत्रमा उपलब्ध ऋणसमेत कम हुने भएकाले यसले अर्थतन्त्रलाई समेत प्रभाव पर्ने मैले देखेको छु,’ उनले भने।
Advertisement 2
अर्थ मन्त्रालयका वरिष्ठ आर्थिक सल्लाहकार प्रा डा सूर्यबहादुर थापाले देशलाई सही दिशामा लैजान अहिलेको बजेटले सहयोग पुग्ने विश्वास रहेको बताए।
