संघीय निजामती सेवा विधेयक, २०८० प्रतिनिधि सभामा पेस, सांसद सुवालको विरोधको सूचना बहमतले अस्विकृत
काठमाडौं । संघीय निजामती सेवा विधेयक, २०८० प्रतिनिधिसभामा पेस भएको छ । संघीय मामिला तथा सामान्य प्रशासनमन्त्री भानुभक्त जोशीले बिहीबारको प्रतिनिधिसभा बैठकमा विधेयक पेस गरेका हुन् ।
Advertisement 1
मन्त्री जोशीले विधेयक प्रस्तुत गर्दै मुलुकको प्रशासनिक प्रणालीलाई शासकीय व्यवस्था अनुरूप सुव्यवस्थित, कार्यात्मक र नतिजामुखी तुल्याउन ऐन जारी गर्नुपर्ने आवश्यकता रहेको बताए । त्यस्तै प्रशासनिक संघीयतालाई प्रभावकारी बनाउन संघीय निजामती सेवा ऐन जारी गरी गर्नुपर्ने आवश्यकता रहेको उनको भनाई छ ।
मन्त्री जोशीले निजामती कर्मचारीलाई राजनीतिक रूपमा तटस्थ, पेशागत रूपमा सक्षम, समावेशी, व्यावसायिक, सहभागितामूलक र उच्च मनोबलयुक्त बनाउनुपर्ने बताए । संघीय निजामती सेवा विधेयक, २०८० लाई प्रस्तुत गर्न अनुमति माग्ने प्रस्तावमाथी नेपाल मजदुर किसान पार्टीका सांसद प्रेम सुवालले विरोधको सूचना पेश गरेका थिए । उनले पेश गरेको विरोधको सूचना उपसभामुख इन्दिरा रानामगरले प्रस्तुत गर्दा बहुमतले अस्विकृत भएको थियो ।
Advertisement 2
उनले निर्माणमुखि सामग्री (व्यवस्थापन तथा नियमन) विधेयक, २०८० माथि विचार गरियोस् भन्ने प्रस्ताव पनि संसदमा प्रस्तुत गरेका थिए । विधेयकको सम्बन्धमा भने सभामा सैद्धान्तिक छलफल प्रारम्भ भएको छ ।
