अञ्जनकुमार

Advertisement 1

अघिल्लो महिना सुत्केरी गराउन जिल्ला अस्पताल लमजुङमा भर्ना भएकी मर्स्याङ्दी गाउँपालिका ९ कि २६ बर्षकी शोभा बिकको ज्यान गयो । उनको ज्यान जानुमा हाल सरुवा भएर आफ्नै गृह जिल्लाको प्रमुख जिल्ला अधिकारी बन्न पुगेका रामकृष्ण अधिकारीको अकर्मण्यता पनि कारक हो भनिँदैछ ।

पृथ्वीसुब्बा गुरुङ मुख्यमन्त्री भएको समयमा गण्डकी प्रदेश सरकारले सुत्केरीका लागि निशुल्क हेलिकप्टर सेवा उपलब्ध गराउने निर्णय गरेको थियो । लमजुङमा यस अघि त्यो सेवा यहाँका सुत्केरीले लिदै आएका थिए तर त्यो बेला प्रमुख जिल्ला अधिकारी निर्णय क्षमताका धनी थिए ।हालसालै शोभा विकको ज्यान गुमेसँगै पीडितहरुले शान्तिपुर्ण रुपमा अस्पतालको लापरबाही र जिल्ला प्रशासनको अकर्मण्यता विरुद्ध प्रदर्शनीमा उत्रिए । तर त्यहाँ विप्लवका कार्यकर्ताहरु घुसपैठ गरि शान्तिपुर्ण बिरोधलाई उत्तेजित मात्र पारेनन उनीहरुले अस्पतालमा तोडफोड, सडकमा टायर बालेर वातावरण प्रदुषण गरे । सुरक्षार्थ खटिएका प्रहरी माथिनै जाईलागे। त्यसको नेतृत्व गरेका थिए विप्लव माओवादीका जिल्ला सेक्रेटरी रवीन्द्र नखोलाले । तर धान खाने मुसो चोट पाउने भ्यागुतो भनेझै नखोलाहरुले मच्चाएको बितण्डा मारमा उल्टो पीडितहरु परे । प्रहरीले चलाएको लाठी खाए ।
त्यस्तै भयो राइनास नगरपालिकामा पनि । अस्ति १ गते बिहान करीब १० बजेर २० मिनेट जाँदा नखोलासहितका अर्का एक जना मिलेर नगरपालिकाका प्रमुख प्रशासकीय अधिकृत प्रकाशराज पौडेल माथि जाइलागे । पौडेल आफ्नै कार्यकक्षमा काम गरिरहेकै थिए । नखोला सहित अर्का प्रमुखको कार्यकक्षमा प्रवेश गरे । सेवाग्राही नै ठानी आदर साथ बस्न भने । नखोलाले मेयर खै भनी सोधे । हाकिम पौडेलले काम बिशेषले बाहिर गएको बताए । मेयर खड्का बहादुर गुरुङ खासै पालिका नबस्ने । पहिलेका हाकिम गोकर्ण सुयल र मेयर गुरुङको फिटिक्कै र्याङ्ठ्याङ नमिलेको राम्रै चर्चा थियो तिनताक । मेयर गुरुङ काममा निकै निपूर्ण सुयललाई जसरी पनि हुत्याउन खोज्दै थिए । हाकिम माओवादी निकट भन्दै मेयर गुरुङले पेल्न खोजेपछि सुयलको सरुवा बेसीशहर नगरपालिकामा भए पनि सुयलले पावरको राम्रै एक्सरसाइज गरि लमजुङमै सहायक प्रमुख जिल्ला अधिकारी बन्न आइपुगे । राइनास नगरपालिका खाली । अनेक बिन्तिभाउ पछि राष्ट्रपतिका जिल्लावासी मात्र नभएर एकै थरका प्रकाशराज पौडेल अहिले त्यहाँ कमाण्ड सम्हाल्दै छन् । उमेरले पनि जागीरको उत्तरार्धमा पुग्नै लागेका सानोगाँठीका ५६ बर्षे पौडेलसंग विप्लवका ती कार्यकर्ताले हाकिमलाई एक दुईघण्टा कुरा गर्नुछ भने पछि आफुले खाना नि नखाएको, बिहानैदेखि काममा भएको हुँदा १० देखि १५ मिनेट भए यहि कुरा गरौ हैन भने खाना खाएर आएपछि कुरा गरौला भन्न विप्लवका कार्यकथर्ताले ए तँले हामीलाई नटेर्ने भन्दै अपशब्द बोलेर, गालीगलौ र हातपात गरेर उनीहरु निस्किएका थिए ।

Advertisement 2

घटना लगतै नगरपालिकामा कार्यरत कर्मचारीहरुले विज्ञप्ती जारी गर्दै घटनाप्रति गम्भीर ध्यानाकर्षण भएको जनाए । कर्मचारीले सो घटनाको घोर निन्दा र भत्सर्ना गर्दै सेवामा खटिएका कर्मचारीमाथिको दिनदहाडै भएको आक्रमणले असुरक्षा बढेको र कर्तव्यनिष्ट कर्मचारीको मनोवल गिराउने कार्यप्रति आपत्ति जनाउदै दोषीलाई कानुन बमोजिम कडा कारवाहीको माग गरेको दुईदिनपछि पीडित पौडेलले जिल्ला प्रहरी कार्यालयमा किटानी उजुरी दिएका थिए ।

यता, घटनाको केही समयपछि विप्लवका नेताहरुले उपमेयर पुष्पराज खनाललाई घटना चर्काउनु भएन मिलाउन पर्यो भन्दै फोन गरेको बताइएको छ । घटनालाई नचर्काउन र मिलाउन दबाब दिएपनि भर्खरै आएका प्रमुख जिल्ला अधिकारी उमाकान्त अधिकारीले इन्कार गरिदिएपछि पौडेलले प्रतिवादी राइनास नपा ६ का अन्दाजी वर्ष ३६ का रवीन्द्र नखोला र नाम ठेगाना खुल्न नसकेका अर्का एकजना विरुद्ध किटानी सहित कानुन बमोजिम कार्वाही होस् भनी जिल्ला प्रहरी कार्यालय लमजुङमा २३ गते उजुरी दिएका हुन । लगत्तै प्रतिवादी भागेको र प्रहरीमा सूचनापनि निकै ढिला आएकोले घटनामा संलग्नहरुलाई तत्काल पक्राउ गर्न नसकेपनि छिट्टै पक्राउ पर्ने प्रहरीले जनाएको छ ।