विशेष अदालले करोडौं राजश्व हिनामिनाको भ्रष्टाचार मुद्दामा ४ उपसचिवसहित १७ कर्मचारीलाई सफाई दिएको छ । सफाई पाउनेमा ४ उपसचिवसहित लेखा अधिकृत,लेखापाल,कम्युटर अपरेटर लगायत रहेका छन् ।
अख्तियार दुरुपयोग अनुसन्धान आयोगले करोडौं राजश्व हिनामिना भएको भन्दै यातायात व्यवस्था कार्यालय, इटहरीका कर्मचारीहरुलाई प्रतिवादी बनाएर मुद्धा दायर गरेको थियो ।

Advertisement 1

जसमा विशेष अदालतले यातायात कार्यालयका चार प्रमुखसहित १७ जना कर्मचारीले सफाइ पाएका छन् । सफाई पाउनेमा
तत्कालिन कार्यालय प्रमुखहरू नयराज नेपाल, तिर्थराज लम्साल, गोपाल थपलिया र भुपेन्द्र राईले सफाइ पाएका हुन् । नेपाललाई एक करोड आठ लाख, लम्साललाई तीन करोड ३० लाख, थपलियालाई एक करोड ३० लाख र राईलाई ५६ लाख १२ हजार रुपैयाँ बिगो कायम गर्दै अख्तियारले प्रतिवादी बनाएर मुद्धा चलाएको थियो ।
यस्तै,लेखा अधिकृत टीकराम अधिकारीका अलवा लेखापाल हुँदा करोडौं भ्रष्टाचारको आरोप लागेको र अकुत आर्जित रकम चार जना श्रीमतीको नाममा राखेका सुरेश अधिकारीलाई प्रतिवादी बनाउँदै अख्तियारले मुद्धा दायर गरेको थियो । २५ जेठ २०७७ मा दायर भएको मुद्धामा ४ उपसचिवसहित १७ जनाले सफाई पाएका हुन ।