राजश्व अनुसन्धान विभाग ६ महिनामा फड्को
राजश्व अनुसन्धान विभागले चालू आर्थिक वर्षको ६ महिनामा राजश्व चुहावटतर्फ १ अर्ब ६२ करोड बिगो तथा सजाय माग दाबी गर्दै २५ वटा मुद्दा दायर समेत गरेको छ । यस्तै, ४५ जनालाई प्रतिवादी बनाइएको छ । त्यस्तै विभागले धरौटी र लिलामीबापत १३ करोड ४५ लाख रुपैयाँ सङ्कलन गरेको छ ।
Advertisement 1
अघिल्लो बर्ष विभागले १३ करोड रुपैयाँ रकम धरौटी र लिलामीमार्फत सङ्कलन गरेको थियो । विदेशी विनिमय अपचलनतर्फ चालू वर्षको ६ महिनामा ४० वटा मुद्दा दायर गर्दै १ अर्ब ४६ करोड ६० लाख रुपैयाँ बिगो तथा सजाय माग दाबी गरेको छ ।
गत आर्थिक वर्षभरिमा विभागले यो शीर्षकमा ४३ वटा मुद्दा दायर गर्दै २४ करोड ४ लाख रुपैयाँ बिगो दाबी गरेको थियो । यसबाहेक, भीसीटीएसतर्फ चालू वर्षको ६ महिनामा ६९३ सवारी साधनविरुद्ध मुद्दा दायर भएको छ । यी सवारी साधनलाई २ करोड ७६ लाख ६० हजार रुपैयाँ जरिवाना रकम कायम गरिएको छ ।
Advertisement 2
गत वर्षभरिमा विभागले ४२७ वटा सवारीलाई कारबाही गर्दै २ करोड ५४ लाख रुपैयाँ जरिवाना कायम गरेको थियो ।
