कर्मचारीको कोटामा मन्त्रीको छोरा विदेश शयरमा
खानेपानी मन्त्री महेन्द्रराय यादवका छोरा सुनिल यादव कर्मचारीको कोटामा भारत भ्रमणमा उडेका छन् ।
Advertisement 1
भारतको उडिसा प्रदेश सरकारको आयोजना,यूएन हेबिट्याटले प्रायोजनमा एक साता चल्ने कार्यक्रममा भाग लिन खनेपानी सचिव सुरेश आचार्य, सहसचिवहरु मीना श्रेष्ठ, अर्जुन गौतम, खानेपानी तथा ढल व्यवस्थापान विभागका महानिर्देशक कमलराज श्रेष्ठ, सीडीईहरू रवीन्द्र पोखरेल र रतिश ओझासँगै मन्त्रीका छोरा सुनिल समेत आजै उडिसा प्रस्थान गरेको खानेपानी मन्त्रालय स्रोतले जनाएको छ ।
मन्त्रालयका अनुसार उच्च तहका पाँच कर्मचारीको मात्र भ्रमणको निम्तो आएको भए पनि मन्त्री यादव पुत्र सुनिलसमेत कर्मचारीको कोटामा उडिसातर्फ उडेका हुन ।
Advertisement 2
साता दिनसम्म चल्ने इनक्लुसिभ डिसेन्ट्रलाइज्ड सेनिटेसन एण्ड अर्बन ट्रान्सफर्मेसन कार्यक्रममा भाग त्यता उडेका हुन । मन्त्री यादवले आफ्ना पुत्र सुनिललाई उपसचिव सरहको सेवा सुविधामा स्वकीय सचिव नियुक्त गरेको छन ।
केही दिन अगाडि मात्र राष्ट्रिय सतर्कता केन्द्रले कर्मचारीको कोटामा मन्त्रीका पिएदेखि सल्लाहकारहरुलाई विदेश भ्रमणमा जान रोक लगाएको भए पनि मन्त्री पुत्र सुनिल उडिसातर्फ हानिएका हुन ।
