प्रधानसेनापति प्रभुराम शर्माको उत्तराधिकारीको रुपमा हेरिएका उपरथी अशोकराज सिग्देल रथीमा बढूवा भएका छन् । आज बिहान सिंहदरबारमा बसेको मन्त्रिपरिषद् बैठकले सिग्देललाई रथीमा बढुवा गर्ने निर्णय गरेको हो।

Advertisement 1

सिग्देललाई रथीमा बढुवाको लागि नेपाली सेनाको बढुवा समितिले रक्षा मन्त्रालयमा सिफारिस गरेको थियो। नेपाली सेनाका भावी प्रमुखका रूपमा हेरिएका सिग्देलको जन्म मितिसम्बन्धी कागजात विवाद अख्तियारमा पुगेको थियो ।

अख्तियारले उजुरी उपर छानबिन गर्न केही दिन अगाडि मात्र रक्षा मन्त्रालयलाई निर्देशन दिएको थियो । यस अघि रथीमा बढूवाका लागि सिफारिस भएका र भावी प्रधानसेनापतिका रुपमा हेरिएका ताराध्वज पाण्डेको कीर्ते काण्डमा मुछिएर घर गएसँगै जंगी अड्डाले भावी प्रधानसेनापतिका रुपमा सिग्देललाई अगाडि सारेको हो ।

Advertisement 2

जन्म मिति कीर्ते प्रकरणमा डामिएसँगै कारवाहीबाट बच्न पाण्डेले राजीनामा दिएका थिए । उनले दिएको राजीनामा केही अघि बसेको क्याविनेटले स्वीकृत गरेसँगै जंगी अड्डाले सिग्देललाई रथीमा बढुवा गर्न सिफारिस गरेको थियो । जंगी अड्डकाको सिफारिसअनुसार अब बस्ने क्याविनेटले सिग्देललाई रथीमा बढुवा गरेको हो ।