अर्थ मन्त्रालयको बजेट महाशाखा प्रमुखले मनपरी हिसाबले खर्च गरेको भन्दै अख्तियार दुरुपयोग अनुसन्धान आयोगले निर्देशन सहितको पत्र काटेको छ ।
अहिले अर्थ मन्त्रालयमा आठ जना डाक्टरको भीड छ । अर्थमन्त्री डा प्रकाशशरण महत,सचिवद्धय डा कृष्णहरि पुष्कर (अर्थ) र डा रामप्रसाद घिमिरे (राजस्व),सल्लाहकारका रुपमा डा पोषराज पाण्डे,डा विश्व पौडेल र डा गुणाकर भट्टका अलवा अर्थकै दुई महाशाखा प्रमुखहरु डा नारायण ढकाल ( अन्तर्राष्ट्रिय आर्थिक सहायता समन्वय महाशाखा) र डाअर्जुनकुमार खड्का ( कानुन महाशाखा)का हाकिम छन् । यी डाक्टरले विग्रदो अर्थतन्त्र सुधार्न सकेका छैनन् ।

Advertisement 1

त्यही डा प्रकाशशरण महतले बजेट महाशाखाको हर्ताकर्ता बनाएर सञ्चार मनत्रलयबाट भित्र्याएका छन् उत्तरबहादुर खत्री । उनै खत्रीले मनपरी ढंगले रकमान्तर गरेको भन्दै अख्तियारले निर्देशनसहित पत्र काटेको हो ।
कार्तिक तेश्रो साताबाट अख्तियारले यस्तो निर्देशनसहितको पत्र काटेको अर्थ मन्त्रालय स्रोतले इकर्मचारी डटकमलाई जानकारी दिएको छ । नियमविपरीत बजेटरी क्रियाकलाप गरेको भन्दै अख्तियारले पत्र काटेको हो ।  बजेट महाशाखाले मनपरी गरेको भन्दै अख्तियारले २२ बुँदे निर्देशनसहित पत्र काटेको हो । अख्तियारले काटेको निर्देशनसहितको पत्रमा सबै निर्देशन बजेट महाशाखाको कामकारबाहीसँग केन्द्रित छ ।

अख्तियारले अर्थलाई काटेको पत्रमा भनिएको छ, ‘विधायिकी स्वीकृतिबाहेकका आयोजना, आर्थिक वर्षको बीचमा कार्यपालिकाको निर्णय तथा अन्य सोही प्रकृतिका निर्णयको आधारमा बजेटमा समावेश गरी कार्यान्वयनमा लैजाने प्रवृत्ति सरकारमा देखिनु वित्तीय अनुशासन र भ्रष्टाचार नियन्त्रणका दृष्टिले चिन्ताको विषय बनेको छ।साथै पत्रमा  जुनसुकै बेला समेत कारबाहीको भागिदार हुनुपर्ने चेतावनी समेत दिएको छ।