उपाध्यक्षबाट कुटिएका हाकिम न्याय खोज्दै प्रहरीकोमा
ऋृषि भट्टराई
Advertisement 1
पालिकाका उपाध्यक्षबाट कुटपिट र दुर्व्यवहार भोगेका प्रमुख प्रशासकीय अधिकृत न्याय र निसाफ खोज्दै प्रहरीमा पुगेका छन् । गत बिहिबार कार्यकक्षमै उपाध्यक्षद्धारा कुटिएका प्रमुख प्रशासकीय अधिकृत न्याय खोज्दै प्रहरीकोमा पुगेका हुन ।
कपिलवस्तुस्थित शुद्धोधन गाउँपालिकाका उपाध्यक्ष होमप्रकाश चौधरी (कुर्मी)ले प्रमुख प्रशासकीय अधिकृत कृष्णप्रसाद ज्ञवालीलाई हातपात गरेको विषय प्रशासन हुँदै प्रहरीसम्म पुगेको भए पनि अझैं न्याय पाउन सकेका छैनन्। शुद्धोधन गाउँपालिकाको प्रमुख प्रशासकीय अधिकृत कृष्णप्रसाद ज्ञवालीले आफु कार्यकक्षमै कुटपिट भएको बारे दिएको जाहेरी कपिलवस्तु प्रहरीले दर्ता गरेको छ ।
Advertisement 2
उनलाई पालिकाको उपाध्यक्षले गत कार्तिक १६ गते कार्यकक्षमै हातपात गरेका थिए । गाडीको बिषयलाई लिएर उपाध्यक्ष होमप्रकाश चौधरी (कुर्मी)ले प्रमुख प्रशासकीय अधिकृत कृष्णप्रसाद ज्ञवालीलाई कुटपिट गरेका थिए ।उपाध्यक्ष कुर्मीले कार्यलयमा रहेको सीसीक्यामरा बन्द गरेर प्रमुख कार्यकारी अधिकृत ज्ञवालीको कार्यकक्षमा प्रवेश गरि टाउकोमा दुई मुक्का प्रहार गरेका थिए ।घटनापछि पालिका अध्यक्ष कमलेशशरण चौधरीले प्रमुख जिल्ला अधिकारीलाई पत्र लेख्दै उपाध्यक्षलाई पक्राउ गरी कारवाही गर्न माग गरेका थिए । अध्यक्ष चौधरी र अधिकृत ज्ञवाली लगायतका कर्मचारीले प्रमुख जिल्ला अधिकारी शंकरहरि आचार्य लाई भेटेर ज्ञापनपत्र बुझाउदै कारवाहिको माग गरेका थिए ।
चौधरीले हातपात गरेपछि पालिकामा काम गर्ने वातावरण नरहेको भन्दै काम गर्ने वातावरण बनाइदिन गाउँपालिकाले जिल्ला प्रशासन कार्यालय र जिल्ला प्रहरी कार्यालयमा दिएको निवेदन सुनुवाई प्रक्रियामा रहेको छ । 
