दुई पाइलटको लाइसेन्स ‘सस्पेन्ड’,एयरपोर्टका हाकिम पनि निलम्बनमा
नेपाल नागरिक उड्डयन प्राधिकरणले रामेछापस्थित मन्थली विमानस्थलका प्रमुखलाई निलम्बन गरेको छ ।
Advertisement 1
विमानस्थल क्षेत्रमै आपसमा झगडा गर्ने तारा एयरका दुईजना वरिष्ठ पाइलटका साथैं विमानस्थल प्रमुखसमेत निलम्बनमा परेका हुन । शुक्रवार तारा एयरका पाइलटद्वय सन्तोष साह र सञ्जीव श्रेष्ठबीच रामेछाप विमानस्थलमै हात हालाहाल भएको थियो। लुक्लाबाट जहाज उडाएर आएका पाइलट साह र लुक्ला जाने तयारीमा रहेका श्रेष्ठबीच विमानस्थलमै झगडा भएको थियो।
शुक्रवार विमानस्थलमै झगडामा उत्रिएका दुई जना पाइलटलाई उडानमा रोक लगाउनुपर्नेमा रामेछाप विमानस्थल प्रशासनले श्रेष्ठलाई सहजै जहाज उडान दिएको पाइएसँगै त्यहाँका हाकिम अशोक थापालाई समेत निलम्बन गरेको छ । अर्को सूचना जारी नभएसम्म थापालाई निलम्बन गरेर छानविन गर्ने प्राधिकरणले जनाएको छ । प्राधिकरणले यसअघि पाइलट द्वय सन्तोष शाह र सञ्जीव श्रेष्ठको पनि लाइसेन्स सस्पेन्ड गरिसकेको छ ।
Advertisement 2
पाइलटहरुले राष्ट्रिय उड्डयन सुरक्षा उल्लंघन गरेको भन्दै छानबिनका लागि प्राधिकरणले दुईजना पाइलटको लाइसेन्स स्थगन गरिदिएको हो। यो अवधिमा उनीहरूले जहाज उडान पाउने छैनन्।
