१२ दिनका लागि सचिव बनेका अर्जुनजंग थापा अनिवार्य अवकाशमा गएका छन् । सरकारले दशैंको मुखमा थापालाई सचिवमा बढूवा गरेको थियो ।

Advertisement 1

प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद् बैठकले लोक सेवा आयोगका अध्यक्ष माधवप्रसाद रेग्मीको अध्यक्षतामा रहेको सचिव बढुवा सिफारिस समितिले दोस्रो नम्बरमा सिफारिस गरेका सहसचिव थापालाई सचिवमा बढुवा गरेको थियो । सचिवमा बढूवा भए पनि उनको पदस्थापन समेत नभइ घर फर्किएका हुन ।

सचिव रवीन्द्रनाथ श्रेष्ठ अवकाश पाएपछि रिक्त रहेको इन्जिनियरिङ सेवातर्फको सचिवमा थापा बढुवा भएका उनी मन्त्रालयको भौतिक पूर्वाधार तथा यातायात मन्त्रालयको विकास सहायता समन्वय तथा गुणस्तर महाशाखामा सहसचिवका रुपमा कार्यरत थिए । अवकाशको १२ दिनअघि विशिष्ट श्रेणीमा बढुवा भएका उनी अझैं पनि सहसचिवकै रुपमा बहालरत रहेको मन्त्रालयको वेव साइड खोल्दा देख्न सकिन्छ ।

Advertisement 2

अवकाशमा मुखमा पुगेका सहसचिवलाई पेन्सन सुविधा बढ्ने गरी सचिव बनाउने परम्परालाई निरन्तरा दिँदै उनी सचिवमा उक्लिएका थिए । सचिवमा बढुवा भएर प्रधानमन्त्री तथा मन्त्रिपरिषदको कार्यालयमा हाजिर भएका थापा २० पुस २०४९मा निजामती सेवामा प्रवेश गरेका थिए । उनी सडक विभागका दोहोरिएर महानिर्देशक बनेका थिए ।

उता भौतिक पूर्वाधार मन्त्रालयको वेव साइडमा हेर्ने हो भने अझैं पनि थापालाई सहसचिवकै रुपमा देख्न पाइन्छ । मन्त्रालयको वेव साइडभित्र कर्मचारी विवरणभित्र छिर्ने हो भने त्यहाँ थापालाई सहसचिवकै रुपमा राखेको छ ।

त्यहाँ थापालाई विकास सहायता समन्वय तथा गुणस्तर महाशाखाको प्रमुखको रुपमा उनको नाम राखेको देखिन्छ । थापा सचिवमा बढूवा भएर अवकाश पाइसकेका छन् तर मन्त्रालयले आफ्नो वेव साइड अद्यावद्यिक गर्न जरुरी ठानेको छैन । मन्त्रालयमा आइटी हेर्ने अफिसर तहका कर्मचारी नै खटाइएको भए पनि वेवसाईट अद्यावद्यिक समेत नहुनुले त्यहाँका आईटी अफिसर कर्मचारीमाथी नै प्रश्न उठ्न थालेको छ ।

जनताले तिरेको करबाट तलव खुवाएर पालेका आईटी अफिसरहरुले समयमै वेवसाईट अपडेट नगर्दा मन्त्रालय माथि नै प्रश्न उठ्न थालेको छ ।
केहीलाई छोड्ने हो भने अधिकांश मन्त्रालयका वेबसाइट समयमै अपडेट हुँदैनन्।