प्रधानमन्त्री पुष्पकमल दाहाल प्रचण्डले मन्त्रीहरुसँग आ व २०८०/ ८१ को वार्षिक कार्यसम्पादन सम्झौता सम्पन्न गरेसँगै मन्त्रीहरुले सचिवहरुसँग कार्यसम्पादन सम्झौता शुरु गरेका छन् ।

Advertisement 1

प्रधानमन्त्री प्रचण्डले गत २५ साउनमा संघीय सरकारका २१ जना मन्त्रीहरूले आआफ्नो मन्त्रालयले गर्ने कामको कार्यसूचीसहितको सम्झौतापत्रमा हस्ताक्षर गरेका हुन् ।

कार्यसम्पादन सम्झौतामा प्रत्येक मन्त्रालयले गरेको कामको अलग अलग कार्यसूची तयार पारिएको छ । सम्झौतापत्रमा हासिल गर्नुपर्ने नतिजा सूचक राखिएको छ, जसमा नतिजा सूचक, भार, इकाइ, आर्थिक वर्ष २०७९/ ०८० को समग्र स्थिति र आर्थिक वर्ष २०८०/ ०८१ को लक्ष्य निर्धारण राखिएको थियो ।

Advertisement 2

कार्यसम्पादन सम्झौताको मसी नसुक्दै संघीय मामिला तथा सामान्य प्रशासन मन्त्री अमनलाल मोदीलाई जिम्मेवारीबाट हटाइएको थियो ।

उता एक कार्यक्रमका बीच भौतिक भौतिक पूर्वाधार तथा यातायातमन्त्री प्रकाश ज्वालाले सचिव केशव शर्मासँग कार्यसम्पादन सम्झौता गरेका छन् । प्रधानमन्त्रीसँग कार्यसम्पादन सम्झौता गरेको साता दिन पछि मन्त्री ज्वालाले सचिव शर्मासँग कार्यसम्पादन सम्झौतामा हस्ताक्षर गरेका हुन । हिजै मन्त्री ज्वालाले सचिवसँग र सचिवले विभागीय प्रमुखहरुसँग कार्यसम्पादन सम्झौतामा हस्ताक्षर गरेका छन् ।

कार्यसम्झौता सम्बन्धी कार्यक्रममा मन्त्री ज्वालाले यस आर्थिक वर्षमा ९० प्रतिशत प्रगति गर्ने गरी काम गर्न निर्देशन दिएका छन्। सचिव शर्माले पनि कार्यसम्पादन सम्झौता कर्मकाण्डी मात्र होइन, यसलाई एक्शन ओरन्टेड बनाउनै उद्घोष गराउँदै लक्ष्य भोटाउने दावी गरेका छन् ।

अर्काे रमिता छ,गर्न त सरकारले काम गरिरहेकै छ । तर, यो के गरेको ? किन गरेको ? यस्को कुनै चित्तबुझ्दो तर्क र जबाफ छैन । अहिले केन्द्रमा ५० हजार कर्मचारी छन् । प्रत्येकले तीन पाने कार्यसम्पादन सम्झौताको फारम भर्दा डेढ लाख पाना हुन्छ, त्यो कहाँ राख्ने ? लाखौं कर्मचारीले वर्षेनी सम्पत्ति विवरणको फारम भर्छन् । चार पन्ने सम्पत्ति विवरण राख्नलाई ठाउँ छैन । निजामती, प्रहरी, सेना, शिक्षक र सार्वजनिक–साझेदारी संस्थाका अभिलेखालय भरिभराउमात्र छैनन्, मान्छेभन्दा धमिरा बढी लाग्ने स्थिति छ । त्यसमाथि अब कार्यसम्पादन सम्झौताको थाक कहाँ थन्क्याउने ? कार्यसम्पादन फारम पाँच वर्ष र सम्पत्ति विवरण जागिरभर राख्नुपर्छ । अहिले प्रत्येक अभिलेखालयहरु (किताबखाना) पुरानै कागजात व्यवस्थापन गर्न नसकेर भद्रगोल छन् । अनि जमाना पेपरलेस प्रणालीको छ ।

अर्काेतिर महिना दिनपछि रिटायर्ड भएर घर जाने कर्मचारीलाई पनि कार्यसम्पादन सम्झौता गराइएको छ । उनीहरुसँग गरिने एक वर्षे सम्झौताको के अर्थ ?