नेकपा (एमाले) विशेष प्रदेश अधिवेशनमा ट्रेड युनियनकर्मी केदार देवकोटाको लज्जास्पद् हार भोगेका छन् । गत  शनिवार चलेको आन्तरिक अधिवेशनमा चुनावी खुला प्रतिष्प्रर्धामा थिए पेशागत महासंघका अध्यक्ष समेत रहेका पुण्यप्रसाद ढकाल,महासचिव केदार प्रसाद देवकोटाका अलवा लेखनाथ कोइराला,प्रभास प्रसाद साह,महेन्द्र विश्वकर्मा र देव कुमार बराल ।
आन्तरिक प्रतिष्प्रर्धामा पुण्य प्रसाद ढकालले ३२,लेखनाथ कोइरालाले ३२,प्रभास साहले ३१,महेन्द्र विश्वकर्माले ३३ र देवकुमार बरालले ३३ मत ल्याएर पाँच जना सदस्यमध्ये छानिएका छन् । चुनावी प्रतिष्प्रर्धामा होमिएका केदार देवकोटाले जम्मा १० मत मात्र पाएका थिए । यसरी आन्तरिक भोटिङमै पछारिएका केदारले गलफक्ति निकालेका एमाले निकट कर्मचारीहरुले इकर्मचारी डटकमलाई जनाएका छन् ।
अस्ति आइतबार उनै केदारले दिँउसो चार बजेदेखि राती १२ बजेसम्म गलफत्ती गरेपछि अन्तमा प्रदेश कमिटि सदस्यमा अटाउन सफल भएका छन् । उनलाई प्रदेश कमिटि सदस्यमा ल्याउने नाममा एक जनालाई सहीद बनाइएको थियो ।

Advertisement 1

नेपाल कम्युनिष्ट पार्टी (एमाले) निकट पेशागत महासंघको केन्द्रीय नेतृत्वको चुनावबाट प्रदेश कमिटी चयन गर्ने क्रममा ‘हरूवा पार्टीको छेउवा दाउ’ भनेझैं भएको एमालेकै कर्मचारीहरुले टिप्पणी गर्न थालेका छन् । महासंघबाट पार्टी कमिटीको सदस्यमा प्रतिनिधि पठाउने विषयमा सहमतिविपरीत केदार देवकोटासहित ३ जनाले उम्मेदवारी मनोनयन फिर्ता नलिएपछि यस्तो दाउ लागेको हो । स्रोतका अनुसार महासंघभित्र विभिन्न सेवा समूहका कर्मचारी पार्टी प्रदेश कमिटीको सदस्य बन्न सक्नेछन् । त्यसका लागि निजामती सेवातर्फका ८ जनाले कोटा प्राप्त गरेका थिए । सो कोटामा ८ जनाभन्दा बढी प्रतिनिधिले उम्मेदवारी दर्ता गरेपछि बखेडा खडा भएको थियो । जसमा मिलाउने क्रममा निजामतीतर्फबाट प्रतिनिधित्व गर्ने ३२ जनामध्येबाट अलग्गै गोप्य मतदान गर्ने र ८ जना निर्वाचित हुने सहमति थियो ।

८ जनाभित्र नपरे अरु सबैले उम्मेदवारी फिर्ता लिने मञ्जुरी भएकै हो । सोहीमुताविक अलग्गै चुनाव हुँदा १० मत मात्र प्राप्त गरी केदार देवकोटा पछि परे तर उम्मेदवारीबाटै हटेनन् । मत परिणामपछि देवकोटाले ३०४ जनाले नै मतदान गर्नुपर्ने र आपूmलाई नियोजित रूपमा हराएको घोषणा सामाजिक सञ्जालमार्फत गर्नुका साथै अन्य प्रतिनिधिलाई पूरै निर्वाचन असफल भएकाले आइतबार मतदानमा भाग लिन खबर गरे । जबकि अन्य पेशा समूहका उम्मेदवारहरूले यस्तै सहमतिका आधारमा उम्मेदवारी फिर्ता लिएका थिए ।

Advertisement 2

देवकोटाको यो दाउका कारण अन्य पेशाबाट एमालेको प्रदेश कमिटीमा प्रतिनिधित्व गर्ने, स्वास्थ्यकर्मी, वकिल, लेखापरीक्षक, शिक्षक, पत्रकार, कर्मचारी रन्थनिएका छन् । महासंघको अधिवेशनले हलबाट सर्वसम्मत रूपमा ताली पड्काएर पारित गरेको सहमति देवकोटाको कारण लतारिएको बताइएको छ । विधानअनुसार यो क्षेत्र पनि पार्टीको इलाकास्तरीय निर्वाचन क्षेत्र मानिन्छ । त्यसैअनुरूप पेशागतमा आबद्ध भएका विभिन्न समूह वा विभागका कर्मचारीले पार्टीमा प्रतिनिधित्व गर्ने अवसर पाएका थिए ।
हलमा निजामतीका ८ जना, सेवातर्फका २ जना, वकिलबाट १ जना, वित्तीयबाट ४ जना, लेखापरीक्षक र  स्वास्थ्य समूहबाट एक एक जनाले प्रदेश कमिटी सदस्यको हैसियत प्राप्त गर्ने सहमति भएको थियो । यसै बमोजिम अन्य सेवा र समूहका उम्मेदवारहरूले मनोनयन फिर्ता लिए । देवकोटाले जम्माजम्मी १० मत मात्रै पाएपछि अधिवेशन स्थलबाट रन्थनिदैं निस्किए र आफ्नो उम्मेदवारी कायम भएको भन्दै वक्तव्य निकाले । र, सहभागी सबैलाई शनिबार ३ बजे बागबजारमा आएर मतदानका निम्ति आग्रह गरे । उनले फेसबुकमा आग्रह गरेपछि केही प्रतिनिधि मतदान गर्न भेला पनि भए । यसैबीच, निर्वाचन समितिको अध्यक्ष मण्डलका अध्यक्ष डा. बाबुराम अधिकारीलगायतले देवकोटाको यस्तो गतिविधि थाहा पाएपछि मिलाउने प्रयत्न गरे । छलफलमा सुजिता शाक्य, विणा श्रेष्ठ, प्रेमकुमार पराजुली, मिलन धरेल, निर्वाचन विभागका डा. कुन्साङ लामालगायत सहभागी थिए । देवकोटा एमाले समर्थित पेशागत महासंघका महासचिव पनि हुन् ।

गलफत्ती पछि कमिटिमा अटाउन सफल भएका देवकोटाले पछि स्टाटस लेखे,विशेष प्रदेश कमिटी सवै सर्वसम्मत भयो । सवैलाई वधाई छ । अध्यक्ष मण्डल, निर्वाचन आयोग, प्रतिनिधिहरू सवैलाई हार्दिक धन्यवाद छ । विशेष प्रदेश समिति सदस्यमा मलाई सर्वसम्मत गराउन महत्त्वपूर्ण भुमिका खेल्नु हुने नेता तथा प्रतिनिधि साथीहरूलाई हार्दिक धन्यवाद छ ।
यस्लाई एमालेकै कर्मचारीहरुले पार्टीभित्र विकशित हुँदै गएको नयाँ जनवादको संज्ञा दिएका छन् । एमाले निकट एक पेशाकर्मीले व्यंग्य गर्दै भने,केदार भनेका पेशागत महासंघका शक्तिशाली महासचिव हुन । उनलाई बाहिर राखेर पनि प्रदेश कमिटि बलियो हुन्छ र ?

यता महिला ३ जनामा भवानी दाहालले २७,अम्बिका धमला २६ र सबिता दंगालले २१ मत पाएर प्रदेश कमिटिमा चयन भएका छन् ।