क्याडर वेश सिनियर सहसचिवलाई थन्काएर जुनियर हाकिमलाई च्यापिँदा शहरी विकास तथा भवन निर्माण विभागमा अनियमितता र भद्रगोल देखिन थालेको शहरीका कर्मचारीहरुले बताउने गरेका छन् ।

Advertisement 1

६ सिनियर सहसचिवहरुलाई उछिन्दै सातौं क्रममा सुरेन्द्रमोहन श्रेष्ठ अहिले शहरी विकास तथा भवन निर्माण विभागका महानिर्देशकको कुर्सीमा छन् । जबकी उनीभन्दा सिनियर पद्य मैनाली,रामचन्द्र दंगाल, चक्रबर्ती कण्ठ,नवराज प्याकुरेल,कुमार प्रसाद घिमिरे,दिलिप भण्डारीहरु विभागका महानिर्देशकका प्रवल दावेदार थिए । इमान्दार प्रशासकका रुपमा चिनिएका काभ्रेली पद्य मैनालीलाई तत्कालीन मन्त्री कृष्णगोपाल श्रेष्ठले मोटो रकम लिएर समेत डिजी बनाइदिएका थिएनन् । रामकुमारी झाक्री मन्त्री बनेर गएसँगै उनलाई शहरी विकास तथा भवन निर्माण विभागको डिजी बनाएर खटाइएको थियो । शहरीमा पुन रमेश सिंह सचिव बनेर फर्किएसँगै उनी पेलानमा परें र खेदिए त्यहाँबाट ।

त्यसपछि खटाइएको थियो रामचन्द्र दंगाल । शहरीका इमान्दार सहसचिवका रुपमा चिनिन्छन् पद्य मैनाली,रामचन्द्र दंगालहरु । नियम अनुसार हुने काम बाहेक दायँ बायाँ नगर्ने र गलत कुरामा कलम नचोप्ने । संघीय निर्वाचनताका मन्त्रीलाई जिताउनका लागि सचिवसँगै सुटकेश बोकेर जिल्ला जिल्लामा खटिएका थिए । सोही उपहारस्वरुप डिजी पद पाएका थिए सुरेन्द्रले भनिन्छ ।
गत मंसिरमा निर्वाचन आचारसंहितको उल्लङ्घन गर्दै सचिव रमेश सिंहसँगै सुरेन्द्रमान श्रेष्ठ मेटमणि चौधरीको निर्वाचन क्षेत्रमा पुगेसँगै दाङको भालुवाङस्थित पौवा होटेलबाट लखेटिएका थिए ।

Advertisement 2

एमाले निकट नेपाल निजामती कर्मचारी संगठनमा बसेर काम गरेका श्रेष्ठ,ओभरसियर हुँदा निकुञ्जमा कार्यरत थिए । खुल्ला प्रतिष्प्रर्धाबाट सहसचिवमा उक्लिएका उनी लामो समय शहरी मन्त्रालयको योजना शाखामा बसेर काम गरे र त्यहाँबाटै शहरीका डिजी बन्न पुगेका हुन । जसरी शहरी विकास तथा भवन निर्माण हुँदै बाग्मती सभ्यताको हर्ताकर्ता हुँदा रविन्द्र बोहोराले कन्सलटेन्सीलाई पोसेर आफू ढाडिने काम गरें ठीक उही ढंगले सुरेन्द्रमोहनको बदमासी गर्न थालेको शहरी विकास तथा भवन निर्माण विभाग स्रोतलाई जनाएको छ ।

त्यसको ज्वलन्त उदाहरण हो झण्डै २ अर्ब १८ करोड हाराहारीको कोशी प्रादेशिक अस्पताल बिराटनगर निर्माणको ठेक्का । बर्ष दिन अगाडि नै यस्को ठेक्का संघीय आयोजना कार्यन्वयन इकाई मोरङले केसी कन्ष्ट्रक्सनसँग गरेको थियो । केसी कन्स्ट्रकसनबाहेक अन्य निर्माण कम्पनी छिर्नै नमिल्ने गरी गरी तयार पारी महानिर्देशक श्रेष्ठ,भवनका ठेक्का हेर्ने विभागका प्रमुख मचाकाजी महर्जन र संघीय आयोजना कार्यन्वयन इकाई मोरङका प्रमुख गणेश महर्जनको तीन सदस्यीय टोलीले ठेक्का दिएको थियो । स्रोतका अनुसार केसी कन्स्ट्रक्सनले नक्कली कागजपत्र बुझाएर ठेक्का हत्याएको थियो तर ठेक्का हात पारेको बर्ष दिनसम्म काम नगरी रिजर्भ गरि बसेको कम्पनीले २० प्रतिशत मुनाफा लिएर ठेक्का विक्री गर्न खोजेको बिषय सार्वजनिक भएपछि सुरेन्द्रको निरिहता र सेटिङ छरपष्ट भएको हो ।

यता शहरीमा बसेर गडबडी गर्दै आएका कान्छा सहसचिव प्रदीप परियार योजना आयोगतिर पुगेका छन् भने सेटिङमै संस्थागत भ्रष्टाचार गर्दै आएका अर्काे सहसचिव रविन्द्र बोहोरा बाग्मती सभ्यताबाट सार्वजनिक खरिद अनुगमनको कार्यालयतिर हुत्याइएका छन् । योजना आयोगमा कार्यरत सहसचिव सुमन दाहाललाई कर्मचारी प्रशासन फाँटको हर्ताकर्ता बनाएर सिके राउतले सामान्य प्रशासनमा भित्र्याएका छन् । सिके राउतका दाजु डा जयकान्त राउत योजना आयोगका सदस्य छन्,उनैको सिफारिसमा दाहाललाई सामान्य प्रशासनमा लगिएको हो ।

उता बेलायत भ्रमणमै रहेको समयमा कृष्णहरि पुष्कर प्रधानमन्त्री तथा मन्त्रिपरिषद्को कार्यालयबाट अर्थमा जम्प गर्न सफल भएका छन् । बूढानिलकण्ठ दरबारको दबाबमा १४ महिना पछि पुन उनी अर्थमै फर्किएसँगै अर्थका केही सहसचिवहरुको जिम्मेवारी हेरफेर गर्ने तयारी भइरहेको अर्थ स्रोतले जनाएको छ ।