खानेपानी मन्त्रालयले एकै पटक सात सहसचिवहरुको जिम्मेवारी हेरफेर गरेको छ । मन्त्रालयले खानेपानी विभागका महानिर्देशक र मेलम्ची विकास समितिका कार्यकारी निर्देशकसहित सातजना सहसचिवको सरुवा गरेको छ । मन्त्रालयले मन्त्रिस्तरीय निर्णयबाट सहसचिवहरुको कार्यक्षेत्र हेरफेर गर्ने निर्णय गरेको हो ।

Advertisement 1

काँग्रेस नेता प्रदीप पौडेल निकट मानिएका महानिर्देशक रमाकान्त दुवाडीलाई विराटनगरस्थित संघीय खानेपानी तथा ढल व्यवस्थापन आयोजनामा सरुवा गरिएको छ । १४ महिना अगाडि अख्तियारबाट विभागको महानिर्देशकको जिम्मेवारी सम्हाल्न पुगेका दुवाडी सरुवामा परेसँगै अध्ययन बिदामा बसेका छन् ।

विभागको महानिर्देशकमा मेलम्ची विकास समितिका कार्यकारी निर्देशक कमलराज श्रेष्ठलाई पठाइएको छ । मेलम्चीको उपकार्यकारी निर्देशकमा संघीय मामिला खानेपानी आयोजना विराटनगरका प्रमुख सुरत बमलाई सरुवा गरिएको छ । मेलम्चीको कार्यकारी निर्देशक भने रिक्त भएको छ ।

Advertisement 2

यस्तै सहसचिवहरु बालमुकुन्द श्रेष्ठलाई संघीय आयोजना सुर्खेत, रामचन्द्र काफ्लेलाई बुटवल तथा प्रज्जव प्रजापतिलाई हेटौंडा र जक्की अहमदलाई जनकपुर सरुवा गरिएको छ । अन्सारी यस अघि लुम्बिनी प्रदेश सरकारको खानेपानी, ग्रामीण तथा शहरी विकास मन्त्रालयको सचिवको जिम्मेवारीमा थिए ।