सेवामा प्रवेश गरेपछि बढूवा खोज्नु,बृत्ति विकासको बाटो रोज्नु सामान्य बिषय हो । लोकसेवाको परीक्षा भीडेर उत्र्तीण हुनु र बढूवा हुनुलाई सामान्य प्रक्रिया मानिएला तर बढूवा हुने नाममा कीर्ते कर्म गर्नेदेखि खेताला लगाउनसम्म पछि पर्दैनन्,केही कर्मचारीहरु ।

Advertisement 1

खेताला उम्मेदवार अगाडि सार्नेदेखि चिट चोर्ने,कीर्ते गर्नसमेत पछि नपर्ने रहेछन् केही कर्मचारी ।

यस्तै देखियो,लोकसेवा आयोगले लिएको परीक्षामा । आयोगले १६६९९- १६७०५, २०७९/ ८० खुला समावेशी तर्फ गत साउन २५ गते लिइएको परीक्षामा धनकुटा कार्यालयबाट परीक्षा दिएका बहालवाला कर्मचारीले यस्तै कीर्ते गरेका हुन ।

Advertisement 2

हाल बुद्धशान्ति गाउँपालिका झापामा कार्यरत छन् देवेन्द्र कटुवाल । उनै कटुवालले परीक्षामा बदमासी गरेको फेला परेपछि उनको परीक्षा नै रद्ध भएको लोकसेवा आयोगले जनाएको छ ।

बुद्धशान्ति गाउँपालिकामा भुमि आयोग, संघसंस्था, सामाजिक सुरक्षा तथा पञ्जिकरण र सहकारी विभागको जिम्मेवारी पाएका अधिकृत छैंटौ तहका कर्मचारी कटुवालले खण्ड ख र ग को उत्तपुस्तिकाको बाहिरी कभर एउटाको अर्काेमा च्यातेर थप कपि समेत स्टिच गरेको भेटिए पछि लोकसेवा आयोगले आयोगको ऐन ०७९ को दफा ४१ (१) बमोजिम कसुर गरेको पाइएकाले उनको उक्त विज्ञापनको सबै परीक्षा रद्ध गरेको आयोगले जनाएको छ ।
यस्तै आयोगले कटुवालसहित अरु २ उमेद्धारको विज्ञापन रद्ध गरेको जनाएको छ । आयोगका अनुसार विज्ञापन नम्बर १६६९९ -१६७०५, २०७९ ८० खुला समावेशी तर्फकै विज्ञापनमा काठमाडौ कार्यालयबाट परीक्षा दिएका उमेद्धार गंगा गुरुङलाई समेत आयोगले लिने परीक्षामा १ बर्षसम्म उमेद्धार हुन नपाउने गरी रोक लगाएको आयोगको सूचनामा जनाइएको छ ।
उक्त विज्ञापनमा परीक्षा दिएर पहिलो चरणको लिखित परीक्षामा अनुत्र्तीण भएको र लिखित परीक्षाको नतिजामा अरुको नाम इडिट गरी आफ्नो नाम राखि प्रवेश पत्र लिएको र इडिट गरिएको नतिजा देखाएर परीक्षामा सहभागी रहेको पाइए पछि आयोगले यस्तो निर्णय गरेको हो ।

आयोगका अर्का उमेद्धार लक्ष्मी सुब्बा,नायब सुब्बाको परीक्षाको उमेद्धार सुब्बाले प्रश्नपत्र आफैंसँग घर लिएर गएको पाइएपछि उनको समेत उक्त विज्ञापनको सबै परीक्षा रद्ध गरेको आयोगले जनाएको छ ।