अधिकृतको मासिक आम्दानी हुन्छ ४५ हजार हाराहारी । यति तलबले राजधानीमा टिक्नै सकस हुने बताउँछन्,इमान्दार कर्मचारीहरु ।तर मासिक ४० देखि ४५ हजार हाराहारी वैद्यानिक तलब खाने एक जना अधिकृतसँग झण्डै एक करोड पाँच लाख अवैद्य सम्पत्ति भेटिएको छ ।

Advertisement 1

नापी कार्यालय चाबहिलमा कार्यरत नापी अधिकृत राजु पुरीले सरकारी सेवा प्रवेश गरेको २७ बर्षको अवधिमा झण्डै एक करोड पाँच लाख अवैद्य सम्पत्ति आर्जन गरेको भेटिए पछि टंगालस्थित अख्तियार दुरुपयोग अनुसन्धान आयोगले उनीविरुद्ध गैर कानुनी सम्पत्ति आर्जनको अभियोगमा मुद्दा दायर गरेको छ । अख्तियारले आइतवार विशेष अदालत काठमाडौंमा आरोप पत्र दायर गरेको हो ।

सार्वजनिक सेवामा प्रवेश गरेको २७ बर्षको अवधिमा एक करोड २० लाख ७७ हजार ७४८ रुपैयाँ आय देखिएकोमा व्ययतर्फ दुई करोड २४ लाख लाख ८१ हजार ६९० रुपैयाँ देखिएसँगै अख्तियारले स्रोत नखुलेको सम्पत्ति एक करोड चार लाख तीन हजार ९४१ रूपैयाँ बराबर आम्दानी आफ्नो पदीय हैसियतको दुरुपयोग गरी गैरकानूनी सम्पत्ति आर्जन गर्नुका साथै अमिल्दो र अस्वाभाविक उच्च जीवनस्तर यापन गरेको पुष्टि हुन आएको अख्तियारको दाबी छ ।

Advertisement 2

उनले सार्वजनिक पदमा रहँदा गैरकानुनी रूपमा आर्जन गरेको सम्पत्ति श्रीमती श्रृजना गिरीको नाममा राखेको अख्तियारले जनाएको छ ।