उपसचिव तहको व्यक्ति,एउटा पालिकाको प्रमुख प्रशासकीयको जिम्मेवारीमा छन् । कार्यालयले उपलव्ध गराएको क्वार्टरमै मदिराको तालमा लठ्ठ भएकी महिलासँग टिकटक लाइभमा देखिन्छन् । उनीसँग अंकमाल गर्दछन्,ती महिलालाई श्रीमती भनेर सम्बोधन पनि गर्दछन् ।

Advertisement 1

दुई सन्तान र श्रीमती काठमाण्डौंमा राखेर झापास्थित दमक नगरपालिकाको प्रमुख प्रशासकीय अधिकृतको जिम्मेवारीमा रहेका हाकिमले परस्त्रीसँग अंकमाल र संवाद गरेको भिडियो भुटेज अहिले सामाजिक सञ्जालमा छरपष्ट भए पछि उनी विवादमा तानिएका हुन ।

दमक नगरपालिकाका प्रमुख प्रशासकीय अधिकृत डम्बरुप्रसाद निरौलाको अहिले चर्काे आलोचना भइरहेको छ । कार्यालयको क्वार्टरभित्रै मदिरा सेवन गरी लठ्ठ भएकी एक महिलाले आफ्नो टिकटक लाइभमै अनैतिक गतिविधि र संवाद गरेपछि उनी चर्काे आलोचनामा परेका हुन ।

Advertisement 2

एक महिलासँग उनले अनैतिक गतिविधि गरेको भिडियो सामाजिक सञ्जालभरी छरपष्ट देख्न सकिन्छ । टिकटकमा उनले निरौलालाई श्रीमान भन्दै सम्बोधन गरेकी छिन् ।भिडियोमा निरौला पनि महिलालाई अंकमाल गर्दै मस्त देखिएका छन् ।

नगर प्रमुख राम थापाको नातेदार रहेका प्रमुख प्रशासकीय अधिकृत निरौला यस अघि ताप्लेजुङको प्रमुख जिल्ला अधिकारी भएका बेला पनि निरौला यस्तै गतिविधिका कारण कारबाहीमा परेका थिए । करिब ५ वर्षअघि झापामा सहायक प्रमुख जिल्ला अधिकारी रहेका बेला उनी जग्गा किर्ते काण्डमा संलग्न रहेको बताइन्छ ।