सरकारले एकै पटक ११ जना सचिवहरुको सरुवा र २ को पदस्थापन गरेको छ । बुधबार बिहानको मन्त्रिपरिषद्ले सचिव सरुवा गर्ने निर्णय गरेको थियो ।

Advertisement 1

सूची अनुसार, सार्वजनिक खरिद अनुगमन कार्यालयका सचिव मधुसुदन बुर्लाकोटीलाई उपराष्ट्रपति कार्यालयमा पठाइएको छ भने भूमिव्यवस्था सहकारी तथा गरिबी निवारण मन्त्रालयका सचिव दामोदर रेग्मीलाई त्यहाँ खटाइएको छ ।

यस्तै, वागमती प्रदेशका प्रमुख सचिव मुकुन्दप्रसाद निरौलालाई उद्योग वाणिज्य तथा आपूर्ति मन्त्रालयअन्तर्गत उद्योगको जिम्मेवारी पाउँदा शिक्षा विज्ञान तथा प्रविधि मन्त्रालयमा पर्यटन मन्त्रालयका सचिव सुरेश अधिकारीलाई लगिएको छ । संस्कृति पर्यटन तथा नागरिक उड्ययन मन्त्रालयको सचिवमा राष्ट्रिय प्राकृतिक स्रोत तथा वित्त आयोगका सचिव भरतमणि सृुवेदीले जिम्वेपारी पाएका छन् । शिक्षाका रामकृष्ण सृुवेदीको वित्त आयोगमा पुर्याइदा गण्डकी प्रदेशका प्रमुख सचिव रविलाल पन्थलाई युवा तथा खेलकुद मन्त्रालयमा , युवा तथा खेलकुद मन्त्रालयका सचिव सूर्य गौतमलाई निर्वाचन अयोगमा, निर्वाचन आयोगका गोकर्णमणि सुवेदीलाई भूमिव्यवस्था सहकारी तथा गरिबी निवारण मन्त्रालयमा सरुवा गरिएको छ । त्यस्तै, उपराष्ट्रपति कार्यालयका तोयम रायालाई राष्ट्रिय तथ्यांक कार्यालयमा, कर्णाली प्रदेशका प्रमुख सचिव डा गोपीकृष्ण खनाललाई प्रधानमन्त्री तथा मन्त्रिपरिषद् कार्यालयमा सरुवा गरिएको छ । यस्तै हालै सचिवमा बढुवा भएका घनश्याम उपाध्यालाई वागमती प्रदेश र लक्ष्मी बस्नेतलाई गण्डकी प्रदेशमा पदस्थापन गरिएको छ ।

Advertisement 2

सचिव सचिव अपारदर्शी किसिमले भएको भन्दै सरकारको आलोचना भएको छ । सचिवहरुको सरुवा नियमित कार्य भएता पनि यस पटकको सरुवामा मुख्य सचिवको निरिहता देखिएको कतिपय सचिवहरुले गुनासो गरेका छन् । कतिपय सचिवहरु तीन महिनामा सरुवामा परेका छन् । कतिपय सुशासनका बिषयमा वकालत गर्दा सरुवा भएका छन् ।

सामान्य प्रशासन मन्त्री मोदी र प्रधानमन्त्रीले सचिव पुस्करलाइ अन्यत्र सरुवा गर्न भनेका थिए तर यसै कारणले उनलाइ नचलाउने सहमति पर्दा भित्र भएको स्रोतको भनाई छ । पुस्करलाई तथ्यांक सचिवका रुपमा खटाउन खोजिएको भए पनि रोकिएको छ । पूर्व मुख्य सचिवले खरिद अनुगमन कार्यालयको काममा सहयोग नगरेको कुरा फेसवुकमा लेखेकै मधुसुदन बुर्लाकोटीलाई उपराष्ट्रपति कार्यालय पुर्याउने सहमति भयो । एक महिना अवधि वांकी रहेका गोपी खनाललाइ सरुवा किन गरेको हो केही थाहा छैन । वढुवा भएका दुइ सचिव घनश्याम उपाध्याय र लक्ष्मी बस्नेतको पदस्थापना गर्न मुख्य सचिवले किन पन्ध्र दिन कुर्नु परेको हो ? तीन तीन वटा प्रदेशमा प्रमुख सचिव रिक्त राखेर सरुवाको गलत प्रवृत्ति निरन्तरता दिन गोप्य बैठक सफल भयो । यसमा वर्तमान मुख्य सचिवको निरीहता बढि देखिएको अर्का सचिवको टिप्पणी छ ।

सचिवको सरुवामा प्नधानमन्त्री विभागीय मन्त्री र मुख्य सचिवको भूमिका रहने गर्दछ तर यस पटकको सरुवामा वर्तमान र निवर्तमान मुख्य सचिव तथा आरजु राणा देउवा हावी भएको चर्चा निजामतीभित्र चल्न थालेको छ । प्रधानमन्त्री पत्नीको शोकमा रहेकोले उनले यसमा खास चासो दिएनन् । देउवाको वलमा प्रधानमन्त्री बनेका प्रचण्डले सधै सवै सरुवामा देउवालाइ हावी हुन दिएका छन् यस पटक पनि आरजु देउवा हावी हुनु नयाँ कुरा भएन ।

एक दिन आरजु राणासँग र अर्काै दिन सुरक्षा परिषदमा छलफल गरि सहमति गरिएको यो सरुवा को विरुध्दमा ट्रेड यूनियनका भालेहरु चुप छन् वरु अअ भदौं र असोजमा हुने अरु पदको सरुवामा तर कसरी मार्ने सकिन्छ भन्ने दाउमा छन् उनीहरु ।
वरु निजामती बचाउ अभियानकफ संयोजक सिर्जना तिवारी ले लौ सचिवज्यहरूलाई बधाई छ जो जहा भए पनि । नडगमगाउ यि सबै ठाउँ राम्रा हुन । बल हाम्रो कोटमा छ दह्रोसँग संविधान, ऐन,कानुन टेकेर काम गरौ निजामती सेवालाई गरिमामय र साख युक्त बनाऔ । शुभ अवसर हामी सामू छ, भन्ने कुरा लेखेर सवैलाइ दनक दिएकी छन् ।

नाटकीय रुपमा मुख्य सचिव बनेका बैकुण्ठ अर्यालले नाटकको पर्दा वाहिर भन्दा पर्दा भित्रको खेललाइ प्राथमिकता दिएको देखिन्छ । दुवैवटा सचिव बैठकमा उनले सचिव वाहेक अरुलाइ वाहिर निकालेर गोप्य मन्त्रणा गरेका थिए ।कतिपय मन्त्रीहरुले आफ्ना सचिव सरुवा भएका निर्णय समाचार पढेर मात्र थाहा पाएका थिए ।बुधबार बिहानको मन्त्रिपरिषद्ले सचिव सरुवा गर्ने निर्णय गरे पनि त्यसको अन्तिम टुंगो भने बिहीबार साँझ मात्रै गरिएको थियो । यो बीचमा चलखेल भएको प्रशासकहरुले बताएका छन् ।