सुन बरामद प्रकरण : भन्सार जाँच पासमा संलग्न यी हुन डिउटी अफिसर
झण्डै एक सय किलो सुनलाई भन्सार विभाग जाँचपास भइ बाहिरिदा डियुटीमा उपसचिव तथा प्रमुख भन्सार अधिकृत श्रीराम टण्डन रहेको भन्सार विभाग स्रोतले इकर्मचारी डटकमलाई जानकारी दिएको छ ।
Advertisement 1
यो प्रकरणमा भन्सार र अध्यागमनका कर्मचारीहरु समेत मुछिएका हुन । उनीहरुकै मिलेमतोमा सुन जाँचपास गराइएको आशका गरिदैंछ । भन्सार जाँचपास गर्ने क्रममा डिउटीमा शाखा अधिकृत सन्तोष चन्द र नायब सुब्बा कुमार ढकाल खटिएका थिए यी दुबैलाई जिम्मेवारीबाट हटाएर अनुसन्धान गर्न लागिएको भन्सार विभागले जनाएको छ । एक्सरे टेक्निसियनमा सरोज श्रेष्ठ डिउटीमा रहेका थिए ।
गोदामबाट जाँचपास गरेपछि मात्रै ती सामान बाहिर ल्याउन पाइन्छ । यतिबेला त्रिभुवन विमानस्थल भन्सार कार्यालयको प्रमुखको जिम्मेवारी अरुण पोखरेलसँग छ । उनी दुई महिनादेखि बिरामी बिदामा छन् । उनको स्थानमा निमित्त कार्यालय प्रमुखका रुपमा नारद गौतम रहेका छन् ।
Advertisement 2
अध्यागमन र प्रहरीबाटसमेत सुन पास गरेर अघि बढिसकेको अवस्थामा राजश्व अनुसन्धान विभागले नियन्त्रणमा लिएको थियो । सुन हङकङबाट ल्याइएको खुलेको छ । सुन ओसारपसारमा संलग्न रहेका ट्याक्सी चालकसहित ६ जनालाई पक्राउ गरिएको छ । दिलिप भुजेल, रामकुमार भुजेल, भन्सार एजेन्ट राजेन्द्र राई ट्याक्सी चालक र थप दुई जनासमेत गए राति नै पक्राउ परेको राजश्व अनुसन्धान स्रोतले जनाएको छ ।
यसैबीच,भन्सार विभागले विमानस्थल भन्सार जाँचपासमा संलग्नता रहेकोहरुको बारेमा बुझ्न छानबिन समिति बनाएको छ । विभागको अनुसन्धान शाखाका निर्देशक मानबहादुर पौडेलको नेतृत्वमा ६ सदस्यीय छानबिन समिति गठन भएको छ ।
