उच्च अदालत पाटनका हाकिमलाई आफ्नो पक्षमा पार्नका लागि एक जना फरार अभियुक्तले मोटो रकम ‘अफर’ गरेको पाइएको छ । नेपाल सरकारको फरार सूचीमा रहेका अर्थ मन्त्रालयका एक जना पूर्व नायव सुब्बाले लाखौं रूपैयाँको ‘ललिपप’ देखाएको संवाद फेला परेको छ ।

Advertisement 1

ती नासु र अदालतका उच्च तहका कर्मचारीबीच ह्वाट्सएपमा ५० लाख रूपैयाँसम्मको ‘डिलिङ्ग’ भएको संवाद सर्वोच्चका रजिष्ट्रार नारायण पन्थीको डेस्कमा पुगेको छ । आफूलाई अनुकूल पारिदिन आग्रहसहित ती सुब्बाले उच्च अदालतका ती कर्मचारीलाई प्रलोभन देखाएका हुन् । संयोग त के भने, केही अघि साढे ६ करोड रुपैंया भ्रष्टाचार मुद्धामा डामिएका पूर्व नासु तथा विध ल्याबका मालिक भीमकान्त भण्डारी र उच्च अदालतका ती हाकिमबीच पारिवारिक सम्बन्ध रहेको खुलेको छ ।भण्डारीले  आफूलाई जसरी हुन्छ जोगाइदिन आग्रह गरेका छन् । उनी र नासुबीच ह्वाट्सएपमा ‘कोड’ मा कुराकानी भएको पाइएको स्रोतले बतायो ।

‘कन्भरसेशन’ मा फाइनल डिलबारे क्लियर त छैन । तर, जुन हिसाबमा कुराकानी भएको छ त्यसबाट पैसाको प्रसंग छेडिएको भन्ने देखिन्छ’, स्रोतले भन्यो । स्क्रिनबाटसहित गुनासो रजिष्ट्रार पन्थीको हातमा परेपछि अनुसन्धान अघि बढाउने तयारी थालिएको स्रोतको दाबी छ । स्रोतका अनुसार लिखित उजुरी पर्नेबित्तिकै उनी ‘एक्शन’ मा जानेछन् । जाँचपड्तालका लागि पदाधिकारी तोक्ने तयारीसमेत भैसकेको स्रोत बताउँछ ।

Advertisement 2

उनीविरुद्ध सम्पत्ति शुद्धीकरण अनुसन्धान विभागमा समेत उजुरी परिसकेको स्रोतको भनाइ छ । कृषि सामग्री कम्पनी लिमिटेडविरुद्ध रिट निवेदन लिएर अदालत पुगेका उनी फरार सूचीमा रहेको र उनलाई पक्राउ गर्न यसअघि नै पक्राउ पुर्जी जारी भइसकेपछि बल्ल खुलेको हो । सरकारवादी मुद्दामा फरार रहेका उनलाई पक्रन ‘अफिसियल नोटिस’ नै जारी भइसकेको हुनाले तारिख दिइएको थिएन । उनले आफ्नो पक्षबाट वारिस पठाए तर तिनले पनि बीचमै छोडिदिए । फोनमा लाखौंको ‘बार्गेनिङ’ गर्ने ती नासु भने आफ्नो कुनै गल्ती नभएको र पैसा नदिँदा टिप्पणी उठाएर केश बिगारीदिएको दाबी गर्दै ठाउँठाउँमा पुगिरहेका छन् ।

यता, रजिष्ट्रार पन्थीले भने ह्वाट्सएप म्यासेजको बारेमा  सोधपुछ गरेका छन् । ती भ्रष्ट नासुसँग जोडिएका हाकिमले ‘निवेदन दर्ता गरेर इजलासमा चढाइसकेको’ भनी जवाफ उच्च अदालतको एक कर्मचारीले जबाफ दिएका छन् ।