चोर्नेमा को अनाडी, पढ्नेमा को अगाडि
खेताला उम्मेदवार अगाडि सार्नेदेखि चिट चोर्नेसम्म,यस्तै विकृती देखिदैंछ पछिल्लो समय निजामती सेवाको इन्ट्री प्वाइन्टमा ।शाखा अधिकृतको परीक्षाका उमेद्धारले यस्तै धन्दा गर्दा फन्दामा परेकी छिन् । उनी हुन सृजना पन्थी । लोकसेवा आयोगको लिएको परीक्षामा चिट चोर्दा पन्थी फेलामा परेकी हुन ।
Advertisement 1
गत बैशाख २७ देखि २९ गतेसम्म शाखा अधिकृत वा सो सरहको पदका लागि लिइएको लिखित परीक्षामा सहभागी सृजना पन्थी चिट चोर्दा कारवाहीमा परेकी हुन् । आयोगका उपसचिव एकनारायण शर्माका अनुसार पन्थीले प्रवेशपत्रको पृष्ठ भागमा परीक्षालाई सहयोग पुग्ने सामग्री उतार गरेको पाइएपछि कारवाही गरिएको हो ।
उनलाई लोकसेवा आयोग ऐन, २०७९ को दफा (४१) (२) (क) बमोजिम आयोगबाट सञ्चालन हुने परीक्षामा आगामी एक वर्षको लागि सहभागी हुन नपाउने गरी कारबाही गरिएको उपसचिव शर्माले जानकारी दिए ।
Advertisement 2
उसो त आयोगको प्रतिवेदन केलाउने हो भने यसरी चिट चोर्नेमा सुरक्षा संगठनतिरका धेरै छन् । खेताला लगाएर परीक्षा दिनेमा प्रहरीतर्फ १९ र सेनातर्फ १ जना भेटिए । प्रहरीतर्फको परीक्षामा चिट चोर्ने ५, राष्ट्रिय अनुसन्धान विभागका १ र सशस्त्र प्रहरीतर्फ ९ जना थिए । यस्तै इलेक्ट्रोनिक डिभाइस (साइन्टिफिक क्याल्कुलेटर, स्मार्ट वाच, मोबाइल आदि) प्रयोग गरेको अभियोगमा नेपाल प्रहरीतर्फ ५, सशस्त्र प्रहरीतर्फ १, उत्तरपुस्तिका आफैंसँग लिएर जाने ९ जना परीक्षार्थी फेला परे । नेपाल प्रहरीको परीक्षामा २७ पुरुष र ३ महिला गरी जम्मा ३० जनाले अनियमितता गरेको पाइयो ।
यसमध्ये ३ जनालाई पाँच वर्षसम्म परीक्षा दिन नपाउने गरी कारबाही गरिएको छ । ४ जनालाई ३ वर्षसम्म, २ जनालाई २ वर्षसम्म र १९ जनालाई १ वर्षसम्म परीक्षा दिन नपाउने गरी रोक लगाइएको छ । २ जनाको भने परीक्षा नै रद्द गरिएको लोकसेवा आयोगले जनाएको छ । सशस्त्र प्रहरी बलतर्फ चिट चोर्ने ९ जना र इलेक्ट्रोनिक डिभाइस प्रयोग गर्ने १ जना गरी १० जना कारबाहीमा परेका छन् ।
Advertisement 3
नेपाल बैंकतर्फ ३, विद्युत् प्राधिकरणतर्फ १, वाणिज्य बैंकतर्फ ३ परीक्षार्थीले अनियमितता गर्दा नेपाल प्रहरीतर्फ ३२, सशस्त्र प्रहरीतर्फ १०, नेपाली सेनातर्फ १ र राष्ट्रिय अनुुसन्धान विभागतर्फ २ परीक्षार्थीले कारवाही भोगेका छन् ।
