वाणिज्य आपूर्ति तथा उपभोक्ता संरक्षण विभागले प्याजको मूल्य बढी लिने व्यापारीलाई कारबाही गर्ने चेतावनी दिएको छ । आगामी आर्थिक वर्ष २०८०/८१ को बजेट वक्तव्यमा प्याजको आयातमा मूल्य अभिवृद्धि कर लागेको बहानामा बजारमा अस्वाभाविक रुपले मूल्य बढाएको भन्दै विभागले यस्तो चेतावनी दिएको हो ।

Advertisement 1

बजेट वक्तव्यमा प्याजको आयातमा भ्याट लागेको बाहनामा उच्च मूल्य कायम गरी बेचबिखन गर्ने कार्य उपभोक्ता संरक्षण ऐन, २०७५ बमोजिम दण्डनीय अपराध भएको विभागले जनाएको छ। ‘बजारमा प्याजको मूल्य अत्यधिक वृद्धि भएको भनी विभागमा आएका गुनासोप्रति विभागको गम्भीर ध्यानाकर्षण भएको छ ।

बजारमा प्याजको मूल्यमा अस्वाभाविक उतार चढाव महसुस हुनासाथ विभागले सतर्कतापूर्वक बजारको आपूर्ति प्रणाली अध्ययन÷अनुगमन गरिरहेको छ । स्वाभाविक मूल्यभन्दा उच्च मूल्य कायम गरी बेचबिखन गर्ने कार्य उपभोक्ता संरक्षण ऐन, २०७५ बमोजिम दण्डनीय अपराध हो ।

Advertisement 2

अनुगमनको क्रममा कानूनले तोकिदिएको दायित्व पुरा नगरेको पाइएमा उपभोक्ता संरक्षण ऐन, २०७५ बमोजिम कडा कार्यवाही हुने छ, विभागले लेखेको सूचनामा भनिएको छ ।